يامال فرقا العـين يومه نساني

[grade="ff1493 808080 ff1493 808080 ff1493"]بسم الله الرحمن الرحيم


وعليكم السلام ورحمة الله وبركاته [/grade]


هذي قصيدة لأثنين يحبون بعض ودام حبهم سبع سنين الين جاء الوقت اللي افترقوا فيه !!!!!!!!



هذي قصيدة الشاب يعتذر فيه لمحبوبته عن اللقاء بعد ماحجزوه بالكلية الحربية


يامال فرقا العين يوم حجزوني ..
تضيق بي الدنيا وانا مواعد أحباب
.
يوم الخميس اللي يجي واعدوني ..
أحبابي اللي دونهم ترخص أرقاب
.
كافي مضت أيام فيها فقدوني ..
عقب القهر مشتاق والشوق غلاب
.
أبو هالشوق جرح عيوني ..
دمع أهله مادرو فيه الأصحاب
.
لاجيت برقد هيضتني شجوني ..
تروح بي الذكرى على ذيك الأهداب
.
ولاجتني الذكرى جتني جنوني ..
أسهر وطيفه داخل العين ماغاب
.
ياعاذلين القلب لاتعذلوني ..
الحب ماحشم طويلين الاشناب.



وهذي رد الفتاة على محبوبها بعد ماوصلها الرساله


يامال فرقى العين يومه نساني ..
الصاحب اللي مابقى غير طرياه
.
راح وتركني في حياتي أعاني ..
مع هاجس الذكرى عيوني تمناه
.
مدري وش اللي في غرامه بلاني ..
راحت بي الذكرى مع أيام لقياه
.
واليوم أشوفه لجل غيري رماني ..
نسى عيونه اللي تعذب لدنياه
.
والله مادري والمصيبه حناني ..
قلب يحبه عزم اليوم فرقاه
.
أبيه يذكر وش خذا من زماني ..
ضحيت من شانه أدور على رضاه
.
واليوم كانه عقب هجره نساني ..
عز الله أني قلتها اليوم بنساه
.
لاصوره تبقى ولاله مكاني ..
بنسى عيونه اللي له المر ذقناه.


وبكذا كتبت قصة فراق .. من مليون قصة فراق



دمتم بمحبة ووصل
أختكم حنين الشـــــــــــوق