مرثية ابنة اخت الشاعر طلال الرشيد في خالها......

قصيده رثاء لبنت اخت طلال رحمه الله في خالها


يادمعتـي ارثـي طـلال برحيـلـه
وارجي له الغفران من عند مـولاه

يـارب مـن غيـرك برتجـي لـه
في رحمه اللـي ماتحملـت فرقـاه

من موتتـه يـارب نفسـي عليلـه
راضي لكن حكـم الاقـدار ماقسـاه

اخفي هموم القلب لـو هـي ثقيلـه
ياقوي صبر القلـب عليـه ياقـواه

يانـاس كـن الكبـد فيهـا مليلـه
من واحـد فـي ايـام العيدفقدنـاه

ياناس راح اليوم راعـي الجميلـه
الله يعين القلب علـى كبـر بلـواه

ياعل روحـه فـي جنانـك نزيلـه
ياخالقـي تكـرم مقامـه ومـثـواه
الـلــي زرع دروب الفضـيـلـه
وعلمني ارضي خالق الكون واخشااه

وعلمني امشي في الدروب النبيلـه
وخلاني اتبع فـي حياتـي سجايـاه

دايم عيونـي فـي خيالـه تخيلـه
في كل نظره وين مـااروح القـااااه

ابكيـه انـا وتبكيـه كـل القبيلـه
وجاره ومن قام يعرفـه قـام ينعـاه

كم شيخ صـارت دموعـه هميلـه
ويجاوب الونات مـن حـر ماجـاه

ومن جـا يعزينـي بفرقـا خليلـه
ربي عساه من الصواديـف تاقـاه

مرحـوم ياشيـخ يمينـه طويـلـه
ليت القدر خذانـي بدالـه ولاجـاه

الموت حـق وكلنـا نستـوي لـه
ولابـد مـن يـوم تجينـاا مطايـاه

يالله طلبـتـك يامنـجـي دخيـلـه
انك تخلـي جنـه الخلـد مـااوااه

يالله طلبـتـك يامنـجـي دخيـلـه
انك تخلـي جنـه الخلـد مـااوااه

منقوله
مشعل