واقول ياويلي على الابتسامه

رائـــــعه تستــحق القــــــراءه ,,.!

.
.
.
.
.








روحي فمان الله ورعايـه الله
مـع السلامـه رافقتـك السلامـه

وأنا ليــــا غنى المغني لليلاه
جريت صوتـي فـي طويـل العدامـه

وغنيت لك يا تل قلبي من أقصاه
ولاحيت مع وجه العصير الحمامه

وضحكت من (دوّر حبيبك وتلقاه)
القاه عند" العـرض يـوم القيامـه"

روحي وخلي من نثرني بقاآآياه
يمضي عليه العمـر "عامـه بعامـه"

يومٍ بقايا دمعته فـي" مصـلاه"
يبقـى لهـا لادور يومـه علامـه

ويومٍ بهامه بين راحة شفاياه
مـن لوعـة الفرقـا يعضـه ندامـه

ويوم يفضفض للمكان وزواياه
عن كـل شـي ولايكمـل كلامـه

يصيح صيحة من غوالي دناياه
مامنهـم اللـي جبـر الله عظامـه

حزنه من اقصى طعنةٍ في حناياه
ماجابتـه سبابتـه مـن بهامـه

تمره أغلى الذكريات وتعـداه
ويمـوت بيـن الكبـر و الانهزامـه

ما في الضلوع الا متاهه ومضماه
ومافي العيون الا زراقة غمامه

رعاه همك لين بيح خفاياه
وإصخوخفـت روحـه وزاد احتدامـه

أدنا مايزعل منه وأدناة مرضاه
مثل الغرير اللي على أول فطامه

وإن هب نسناس الهبوب وتمثناه
في ليلٍ اغوى العاشقين بظلامـه

يسري ولا يدري على وين مسراه
ويسرح ورقاد الضحى في منامه

كم لي وأنا ألوم الزمان بسواياه
ولاحر من جمر العتـب والملامـه

الا ظروفٍ ترخي إمتون و إجباه
تختار معها الذل والا الكرامـه

لو انها بالمال والوجه والجاه
كـم مـن سنافـيٍ مقامـي مقامـه

لكنها رحلة ضياع ومعاناه
يقضـي بهـا المغـرم بقيـة غرامـه

اللي على ربه مماته ومحياه
وعلى رقبـة غاليـه ذنبـه واثامـه

من كثر مايبدي على الناس شكواه
ماعاد ياجـد هيبتـه وحترامـه

بحاول انسى ماحصل وآتناساه
واظهر من الدنيا برجـل العمامـه

احتاج وجهٍ بسمته في محيـاه
حاجـة فقيـر راس مالـه حزامـه

يقول ياويلي على المال ويلاه
وأقـول»» ياويلـي علـى الابتسامـه

ж
ж ж
ж ж ж
ж ж ж ж ж



للمبـدع : مدغـم أبو شيـبه ..,