التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 

لذة عمر
بقلم : إحساس رسام


تتوالى مسيرة العطاء هنا في بعد حيي الى ان يحين قطاف الثمر فيطيب المذاق وتتراكض الحروف وتتراقص النغمات عبر كلماتكم ونبض مشاعركم وسنا اقلامكم وصدق ابجدياتكم ونقآء قلوبكم وطهر اصالتكم فآزهرت بها اروقة المنتدى واينعت . فانتشت الارواح بعطر اقلامكم الآخاذ و امتزجت ببساطة الروح وعمق المعنى ورقي الفكر .. هذا هو آنتم دانه ببحر بعد حيي تتلألأ بانفراد وتميز فلا يمكن لمداها العاصف ان يتوقف ولا لانهارها ان تجف ولا لشمس ابداعها ان تغرب.لذلك معا نصل للمعالي ونسمو للقمم ..... دمتم وطبتم دوما وابدا ....... (منتديات بعد حيي).. هنا في منتديات بعد حيي يمنع جميع الاغاني ويمنع اي صور غير لائقه او تحتوي على روابط منتديات ويمنع وضع اي ايميل بالتواقيع .. ويمنع اي مواضيع فيها عنصريه قبليه او مذهبيه منعا باتاا .....اجتمعنا هنا لنكسب الفائده وليس لنكسب الذنوب وفق الله المسلمين للتمسك بدينهم والبصيرة في أمرهم إنه قريب مجيب جزاكم الله خير ا ........ كل الود لقلوبكم !! كلمة الإدارة

 
 
العودة   منتديات بعد حيي > المــــنتديات العــــامه > منتدى ضفاف حره
 
 
« آخـــر الـــمـــشـــاركــــات »
         :: رسالة الى شخص لايعرفه سواك (آخر رد :نايف سلمى)       :: ❤ قهُوهْ دَاكِنهّ / وَ إِعتّقاَد ❤ (آخر رد :نايف سلمى)       :: ركن....إحساس رسام (آخر رد :إحساس رسام)       :: ][ إعّترَافاَتْ .. عَاَبِرْه ][ (آخر رد :نايف سلمى)       :: بَرِيدُ الحُــــــبْ ..!! (آخر رد :نايف سلمى)       :: في خواطرنا كلام ... (آخر رد :نايف سلمى)       :: ღღ . .على البـال . . ღღ (آخر رد :نايف سلمى)       :: . الأخضر يتعثر بالتعادل أمام إندونيسيا (آخر رد :نايف سلمى)       :: عزف من الماضي في دفتر الذكريات (آخر رد :نايف سلمى)       :: ادخل وصل على النبي محمد صلى الله عليه وسلم (آخر رد :ريم الشمري)      

الإهداءات
من البلكونه : مساء الخير والنسمات عليله تعطر الليل وتحمل لكم ودي     من اممم الوَتَمْ ..! : وَ اسكب في هذا القلب سكينةً لا يقلق بعدها أبدًا ، وَ طمئنه مثلما يفعل الفجر في صدور المتعبين ، آمين ..!     من همس القوافي : يا طيب مـن طيبه مع الناس فطره&&&&شي(ن) مـن الرحمن ماهـو تصنع &&&&&العــود الازرق ريـــح ثوبه و عـطره&&&&&حر(ن) على سلـوم الـوفاء ماتمنع __________________     من همس القوافي : شكراااااا مليون اخوي ذيب الجزيره على القصيده الروعه. من قدي والله     من الحلو : هلابك حلو حيل حمدلله على عودتك بسلام اهم شي انت حي هههههه حنا متواجدين مايموت احد قبل يومه الله يطّول بعمرك وعمرنا جميعاً يارب     من بعد حيكم : يابعد حيي طلباً لا امراً موضوع قديم اتمنى مااحد يرد عليه لان القديم قديم مع زمانه ووقته — دمتم سالمين غانمين     من لبده : سلاااااااام عليكم شنونكم نعنبو داركم متى علمنا بكم قبل اثناعشر سنه مامتو هههههههههههه     من حايل والعقال مايل : سنيـن العمـر عيـت لاتنسينـي مـلا محـهـا يــدور الـوقـت والايـام وعـيـونـي تراعـيـهـا لعل الطـفلـه اللـي تبتسـم ربـي يسامحهـا حـلا الغمـزات والضحكـات ذكـرنـي لياليـهـا صح لسانك نايف الناجي     من كرسي الاعتراف : حياك الله الشاعر شبام على كرسي الاعتراف نبيك تعترف بكل شي 😂🌹🌹🌹     من المكتب : هلا وغلاذيب الجزيره ابشر بجيكم ولي الشرف بس زواج لا عندي ضبعه قويه اوي اوي هههههههه يسعد لي جوك ذيباااان 🌹🌹🌹🌹🌹     من الجوف : سلام عليكم شلووونكم وحشتونا او انا وحشتكم 😂😂     من قلبي : صباح الخير للجميع اتمنى لكم فجرا مليئا بالبركات والرصى والمغفره     من المجلس : ياخي جنون الشوق شيييييخ بعد حييييييي... والله شيخنا....سوي لك زياره ع العراااق مكانك عيووونه..دعوة حصرًا... لجنون... ههههه وما نردك إلا نزوجك هههه     من مرحبا : حياك ذيب الجزيره نورتنا ارحب ارحب اقلط فنجااااال وااااالم     من عكلة استثنائية لييييي : ياخي جيتكم مسيّر..... وين الربع......    

 
 
 
 
أدوات الموضوع انواع عرض الموضوع
قديم 07-22-2009, 06:00 AM   #1


الصورة الرمزية نجمة الامارات
نجمة الامارات غير متصل

بيانات اضافيه [ + ]
 رقم العضوية : 14087
 تاريخ التسجيل :  Jul 2009
 أخر زيارة : 07-30-2011 (03:47 AM)
 المشاركات : 1,684 [ + ]
 التقييم :  50
لوني المفضل : Cadetblue
][ .. ڪـنت أشوفـﮓ شي ثآني ..][ >> الفصل الساابع



*~.. الفصـــل الســآبع ..~*


" قمت من الرقاااد و انا اتلفت حولي .. ويين أنآ ؟!؟ .. حسيت بصداع قوي و حاولت أتذكر كل اللي صار أمس .. أه كل هذا صار امس .. الله يعيني بس

طلعت برا الحجره بعد ما تلبست و غسلت ويهي وصليت طبعا كنت لابسه كندووره لونها ازرق غامج و لبست معااها شيله ملوونه لونها ازرق و سويت كحال اسوود مع قلوس خفيف مادري ليش كشخت بس مادري أنا فيني عاده اذا ابا انسى شي أحااول الهي عمري بالتعديل

شفت في ويهي زآآيد قاعد يتريق تبوون الصدق من شفته يتريق ماكنت ابا ايلس نا يووعانه موت من امس ماذقت شي "

مهاري و هي تحاول تتجنب تشوف زايد : السلام عليكم
زايد و هو يشوفها و متنح في شكلها : و عليكم السلام و الرحمه

مهاري خذت كرواسون بالجبن "أكل فنادق " و تمت تاكل شوي شوي

زآيد و هو يطالع الاكل مسوي فيها مب منتبه لها : ها جهزتي شنطتج عقب سااعه بنرووح المطار

مهااري غصت بالأكل : كح كح كح
و استنت زايد يعطيها ماي بس شكله مطول خذت قلاص ماي و تمت تشرب

مهااري عقب دقايق بصوت خفيف : عنبوه انزين ييب ماي

زايد سمعها بس طنش

مهااري تذكرت السفر : أويييييييييييييه نسيت
و ربعت صوب غرفتها عشان تااخذ الثياب اللي تناسب السفر

زايد عيبته عفويتها : ههههه ياهل

...

في امريكااا
" الوقت عندهم ليل "

مهآآ و هي في المطبخ و لاابسه بنطلون و قميص " بجامه " و تسويلها اكل خفيف

سمعت صوت واحد

: آآآآآهلااااااا واالله وااععع
مها لفت ورا بخوف : مطووور بلييز اصحى اصحى

وردت على ورا بخووووف دقت في صندق كبير شوي بس مب من الخشب طرتلها فكره بسرعه بسرعه ترسته مااي و رشت المااي بقووه على ويهه

و ربعت بسرعه صوب حجرتها قبل لا يسويلها شي

عند مطر
مطر و هوو يغمض عيونه بقوووووووه و كانه استوعب هو وين

قرب صوب المااي و تم يرش ويهه بطريقه سريعه

مطر و هو ماسكـ راسهـ : أوووف أنا شو سويت

و رقاا بسرعه صوب حجره مها اللي كانت تصيح دم

مطر بصوته الغليظ و بجديهـ : مهاا يا مهاا فتحي الباب بلييز
مها و هي يالسه عالارض و رافعه ركبها و لااويه على عمرها و تصييح : لالالا
مطر بيأس : مهااا فتحي الباب حرام عليج
مها و هي تصيح بصوت عالي من الخوف : مطر رووح بعيد عني روووح انت مب اخوي مب اخووي
مطر و هو متلووم فيها موت و ندماان : مهاااااااااا

و يلس عالارض و هو كل ما يسمع صوتها كل ما يتلوومم فيها اكثر

...

عند شخصيهـ ابتعدنا عنها شوي

.. سالم ..

كـآن موقف السيارت عدال البيت و يرمس فالفون

سالم : آآه و الله اني اشتقتلج يا رووح سالم
مريم بدلع : حتى انا يا قلبي
سالم : أوكي بااجر بنتلاقا فالمول أووكي
مريم بدلع : أمممممممـ أوكيك
سالم : أحبببج و الله
مريم : آآآه سالم بيقطع طرش لي رصيد
سالم : كم تبين يا عمري الفلوس و راعيها كلهم فدا لعيونج
مريم : أمممـ بس 200 درهم عشان ارمسك و ارمس بنت خالي مسافره
سالم : خلاص تم
مريم مستانسه : تسلم حبيبي
سالم : آآه عيديها عيديها بلييز
مريم باستهبال :تسلم
سالم : لا اللي بعدها
مريم : هههههههه لالا مب كل مره
سالم : يالله حتى بالكلام بخيله علي
مريم طلع صوت خط عندها قالت بسرعه : أقوول سالم أنا بخليك الحين عقب بدقلك
سالم : أوووك حياتي أتريااج
مريم : بااي

و سكرت التلفون علطول و ردت عالخط الثــآني

أما سالم فسكر التلفون و هو مبتسم و شوي و بيطير من الفرحهـ نزل من السياره و راح صوب بيتهم

...

عند أم راشد و نوره فالصاله

نوره : خلاص عمووه بس كرهت حياتي و الله
أم راشد : يا نوره الولد ما يطيع يعرس رحميني ابا اشوف عيالي قبل لا امووت
نوره و دمعتها تطيح : حراااام ععلييج يا عمووه حراااام شو تبين يعني أغصبه يعرس علي حراااام
أم راشد : ليش هالانانيهـ يا نوره انتي ما تييبين عيال ليش تحرمين ولدي جنه الدنيا

نوره سكتت و نزلت راسها و تمت تصيح بصمت يابتها عالجرح عالجرح امرره

" تعبت و الله تعبت كل يوم نفس الموال حراااااام يعني شو تحب تشوف انكساري و دموعي و الله تعبت انا اعرف ام راشد ما بتخليني فحالي الين ما تسوي اللي فبالها شسوي يا ربي شسوي "

قامت و هي تحاول تمسك دمعه متمرده تبا تنزل : خلاص سوي اللي تبينه

و ربعت لحجرتها و قفلت الباااب و تمت تصيح دم بدال الدموع

...

" جهزت الشنطه و علطول طلعت لزايد اللي يستناني برا طبعا كنت لابسه عباه مسكره عشان ارتااح فالطياره و نزلنا تحت لقينا حمد أخو زايد يستنانا شكله هو اللي بيوصلنا المطار بس أبا اسلم على هليهـ !!! "

مهره و هي طالعه للسياره : زايد
زايد و هو يلف عليها بملل : نعم
مهره :أبا اسلم على هليه قبل لا نسافر
زايد : ماشي وقت الطياره عقب ساعتين و بعدين كافي دموع امس ما ودعتيهم اونج
مهره : أووف

و ركبوو سياره حمد

.. بعد ساعه ونص وصلو مطار دبي ..

زاايد : تسلم عالتوصيله حمد و السموحه ازعجناك
حمد : ههه اي ازعاج احسن فكيتني من حشره اليهال فالبيت .. عقبالكم ^ـــ*

زايد و مها هني سكتووو ثواني عقب

زايد : ان شاء الله خير يلا عيل بنرووح نحن احينه
حمد : تروحون و توصلون بالسلامه

روح حمد و هم كملو آخر اجراءات الرحله و تمو يتمشون فالسوق و اخر شي يلسو فالكوفي لين ما ياا ندااء طيارتهم

الرجاااء من المسافرين في رحله رقم 143 الى باريس في فرنسا التوجهه للطآئره حالا

زايد و هو يقوم : يلا نرووح
مهاري : ما نادو على طيارتنا
زايد : كيفج انتي ما تسمعينهم يقولون رحله باريس
مهاري فجت عيونها عالاخر و طالعت زايد بصدمه : بنسااافر بااريس !!!
زايد باستهزاء : عيل وين .. يلا لا نتأخر
مهره فخاطرها و بدون قصد طلعت بصوت عالي : واافديتك يا بووي تدري اني اتمنى اسافر باريس
و انتبهت لعمرها و تفشلت
زايد سمعها بس كالعاده طنش

ركبو الطياره و كانت كراسيهم واحد عدال الدريشه و الثاني عداله و بعدين فراغ
مهااري بطبيعتها تخاف من الطياره و دوم اذا سافروو تخاف تييلس عدال الدريشه " النافذه " فيلست فالكرسي اللي عدال الكرسي عالدريشه على اساس ان زايد بييلس عدال الدريشه

زايد يوم شافها يلست هناك عصب : لا و الله يالسه هني عشان تشوين الرايح و الراد ها انقلعي الكرسي اللي عداله احسن لج " شوفو الاسلوب "

مهاري بصوت خفيف ما يسمعه غيرر زايد : طالعو وين رااح تفكيره اييييه انا يالسه هني لاني اخاااااف ايلس عدال الدريشه

زايد : لازم تفكيري بيروح بعيد بعد ما شفت المسج بعيني

مهاري : لا حووول خلاص عذرنا

و بدلت مكانها و يلست عدال الدريشه

مهاري : ارتحت الحين

زايد يلس فالمكان بدون اي كلمه

بعد دقايق يا وقت الاقلاع

مهاري طالعت الدريشه و الطياره ترتفع لفووق علطوول غمضت عيونها بقووه بخووف
زايد استغل هاللحظه و تم يطالع ملامح ويهها من حواجبها المقرونه لين رقبتها الطويله

زايد فخاطره : ما شاء الله تبارك الرحمن مب جمال عليها هالبنت بس شالفايده جمال بدون أخلاق

و مسح هالافكار من راسه بعد ما وصلو لفووق

زايد : خلاص فتحي عيونج يالياهل تخافين من الطياره
مهاري طالعته بنص عين : بركاتك ميلسني عند الدريشه انت و افكارك الخايسه

زايد : عاد انتي اللي دخلتي هالافكار فراسي فتحملي اللي بييج من نتايج صيااعتج

مهاري و هي تصر على ضروسها : انا مب صايعه
زايد و هو يلف ويهه عنها : خير خير قولي هالكلام من اليوم لبااجر ما بصدقج

مهاري لفت عنه بعصبيه و فتحت التلفزوون و حطت على اغاني و طلعت بالصدفه اغنيهـ مشكلتي أهواه بدون احساس لفت صوبه و كانها تهديه كلمات الاغنيهـ

المحبة من طرف واحد
غصب تتلف قلب راعيها
خص يوم تحب لك يااااحد
.. المشاعر ما يراعيها
وان بغيت تصد وتباعد
نارشوقك زااد لاظيها ا
كنك ويا الهم متواعد
وضيعت نفسك مناويها
وان كتمت وعالامل
قاعد علتك منهوو يداويها
عالصبر ما لك من
مساعد قصة تصعب فتاويها
لو نظرت وطرفي
الساعد بان هموووم مخفيها
من عنى الي مهتني وراجد
ما درى برووح معنيها
من يروض ذهني الشارد
رحلتي طالت مساريها
حد نجم فالهوا صاعد
وحد نجمه ضايع فيها

والمحبه من طرف واحد
تذبح العاشق بلااويهاا

مهااري بخاطرها : آآآه متى تراعي مشاعري ييا زايد متى !!
..

في ستار بكس عند عوااش و " علي "

علي : أأووف و اخيرا رضيتي نتقابل مره ثانيهـ
عواش و هي تطـآلعهـ : و الله ما قابلتك الا عشانك سويت شغلك تمام التمام
علي : و بعديــــــن خلاص انسي السالفه الحين أبا اتهنى باليلسهـ ويااج
عوااش : خلاص بنسكرها
علي : فديت المطيعه انا
عوااش : اممـ مليت من هالمكاان أقول شرايك نتمشى
علي " ما عليه بنتحمل الحين " :أكييد حياتي لج اللي تبين

عواش قامت و تقدمته و هو كنه مطرزيتها
و تمو يدخلون محل محل و طبعا هو اللي يدفع و هو اللي يشل الاكياس و هي تعطيه طاف و تروح قداامه

علي " بيي اليوم اللي بنتبادل فيه الادوار يا عويش بيي "

عواش لفت عليهـ بعد ماخلصا كل المحلات : أقوول الدريول تحت أنا برووح الحين عطني الاكياس

علي : اندووج و فداعهـ الله حبيبتي
عواش عطته طاف و روحت عنه

...

عند رييم و ساروووه

كانوو مجتمعين في بيت قوم سارووه

ريم : أوووف ملل بصرااحهـ
سارووه : وااايد
ريم : تعرفين انه ابووي من اسبوعين ما شفته و مره يا يوم كنت فالمدرسه
ساره :أصلا متى عمي يكون عندكم كله مساافر
ريم : ههههه و متى امي تهتم لنا اللا حاطه دوبها فدوب نوره المسكينه تدرين اليوم سمعت نووره تصيح و تقوول حق امييه سوو اللي تبوونه يعني اكيد رشوود بياخذ وحده ثانيهـ
ساره : ما تنلاام حليلها أمج كل ماشافتها لازم ترمسها عن هالموضوع و تصيحها حرااام
ريم : بس تصدقين انا ما ارتحت لها حمدووه أحسها خبيثه
سارووه : كيييفهم نحن شو يخصنا أقوول طلعتي الشهاده مالتيه و مالتج
ريم : لا بعدني يمكن باجر اطرش الدريول اييبهن

سارووه : الله يعين بصراحه أقوول قومي بنفتح المسن

ريم : أنا بفتح ايميلي أول
سارووه : لا انا
ريم انا قبلج
ساروه : أووف

و فتحت ايميلها و علطول طلعتلها اضاافه

ريم : ساروه طالعي هالايميل تعرفينه
ساروه و هي تطالع الايميل باستغراب : لا
ريم : بقبل و بشوف من شكلها راعيهـ الايميل بنت

ساروه تهز كتفها : كيفج

و بالصدفه طلع راعي الايميل موجود على طول بدت المحادثه

" تجي دنياي أو تدبر عزيزه فكل حالاتي "
مرحبا السااع

مليـــت منكم يا جمااعهـ خخخخ
مرحبتين

" تجي دنياي أو تدبر عزيزه فكل حالاتي "
من الشيخهـ ؟؟

مليـــت منكم يا جمااعهـ خخخخ
أنتي الريم صح ؟؟

" تجي دنياي أو تدبر عزيزه فكل حالاتي "
هيه من انتي !!

مليـــت منكم يا جمااعهـ خخخخ
أنا شوييخ الـ ....... ـي من مدرستكم صف 2 ثانوي

" تجي دنياي أو تدبر عزيزه فكل حالاتي "
آهااااا عرفتج .. من وين يبتي ايميلي ؟؟

مليـــت منكم يا جمااعهـ خخخخ
من وحده من البنات

" تجي دنياي أو تدبر عزيزه فكل حالاتي "
زييين زين ..وأخباارج بعد ؟؟

مليـــت منكم يا جمااعهـ خخخخ
تسرج و من صوبج ؟؟
" تجي دنياي أو تدبر عزيزه فكل حالاتي "
بخير الحمدالله .. يعله مديم يا ربي

مليـــت منكم يا جمااعهـ خخخخ
ويااج

" تجي دنياي أو تدبر عزيزه فكل حالاتي "
أممممـ أقول شويخ انا بظهر شوي و عقب بدش أووكيكـ

مليـــت منكم يا جمااعهـ خخخخ
أووكي أتريااج


و سكرت عنها و هي منصدمه منها

ساروه و هي تطالعها و مستنكره الوضع : لا يكون بترمسينها بعد
ريم و هي تفكر : هيه ليش لا
سارووه : اييه انتي تستهبلين و لا شو قصتج بالضبط
ريم : ليش يعني ؟؟
سارووه : طاالعوو هاي اللي بتينني أولا هالبنت بوويه ثانيا سمعتها فالمدرسه خايسه و ثالث شي معروف انها ترمس شباب و تصيع شو تبين ترابعينها عشان تتشوه سمعتج
ريم و هي بعدها تفكر : أنــآ بغيرها
ساره و هي تحط يدها على خصرها : و كيف ان شاء الله ممكن تفهميني الشيخهـ
ريم : أقصد أنا وياج بنرابعها من تحت لتحت يعني محد بيعرف و بنحااول نغيرها رام تتم جي يعني نخليها بنوته و تودر سوالف الخياس عنها
سااروه : أمممممممـ خلاص انا ويااج ما بخليج برووحج اخاف هي تغيرج
ريم : أووك الحين برد البيت و بعدين بنسوي انفاينت لشوييخ و بنتم نرمسها و نتقرب منها
ساروه : و الله و طلعتي تفكرين طلعت منج فايده هع
ريم : شو شايفتني بليا عقل
ساروه : يمكن خخخخخخخ
ريم : مالت عليج انزين أقول انا برووح البيت الحين نتلاقا عقب اووكيك
ساروه : أووك و لا تنسين الشهايد
ريم : انزين بااي
ساروه : بااي

...

في امريكــآ

نشت مها من الرقااااد و تلبست عشان الجامعه و صلت و خلصت كل شي عقب فتحت الباب بخوف
انصدمت من اللي شافتهـ

شافت اخووهـآ حاط ظهره عالباب و يالس و راقد

شكله من امس هني

كسر خاطرها و دمعت عينها على حال اخووها هي أكثر وحده تعرف اخوها اخووها مب جذي مب جذي ابدن بس في يوم و ليله تغير و نسى دينه و نسى كل شي

تذكرت اليوم المشأووم

يوم وفااه زوجه مطر اللي كانت قطريهـ بس تدرس فامريكا

كانوو يتمشوون فالسياره هي و مطر و وضحه حرمته

مطر : واافديتج اناا
وضحه و هي منحرجه منه : احم عيب مطوور
مهااا : نحن هناااا
مطر : انتي لمي ثمج انا ما صدقت اتزوجها تيين انتي تعكرين علينا
مها : يالله يعني شسوي ما اطلع انحبس فالبيت بين اربع يدراان
مطر : هذا المطلووب
وضحه : ههههههههههههههههه
مطر : علني فدا هالضحكه و راعيتها
مهااا : هي هي ضحكي ضحكي شعليح يحليلي ما عندي حد يداافع عنيه
وضحه : ههه سوري سوري خخ
مطر : ياربي هالطيبه انا مادري من وين يايبتنها يعل عيالنا كلهم يظهروون شراتج
رضحه استحت و نزلت رااسها و استوى وييهها احمر
مها : هههههههه طالعو غدت طماطه

و تمو يسوولفوون و يضحكوون

و بلحظهـ !!

باقل من ثانيهـ!!

ما حسو بعمارهم الا فعالم ثاني .. ما صحو الا فالمستشفى

مطر و هو يصاارخ : ويييييييييين وضحه ودوني عند وضحه ودوني عندها
السيستر بالانجليزي بس بعد الترجمه : لو سمحت انت لازم ترتااح
مطر : ما برتااح الا يوم تييبولي وضحه ابا وضحه ووااااااضحه
السيستر طلعت بخوف من صريخه و رااحت للدكتور و خبرته انه من قام و هو يصارخ باسم وضحه

الدكتور روح عنده و قاله بعد الترجمه : وضحه الحين ترتاح بلييز لازم انت بعد ترتااح
مطر : ودووني عند وضحه أبا وضحه
الدكتور تم يحاول فيه و يحااول بس ماشي فايده قال خلني اقوله عشان يسكت

الدكتوره : وضحه ماتت

مطر صخ و الكل حوله سكتووو

تم يحااول يستوعب اللي قاله الدكتور و بعدين فج عيونه على وسعهن و قال بصوت عالي : شوووووووووووووووووووووووووووووووه

و مط المغذي من يده و راااح بسرعه صووب الباب و دز كل وحد تعرضله و رااح يسال عن وضحه الين وصل لغرفتها و شافها مغطايه بالفراش الابيض

قرب صوبها برعب و قاااااااااااااااااال بصرااااااااااخ : لاااااااااااااااااااااااااااااااااا وضحه لااااااااااااااااااااااا لا تخليني بروووووحي حرام علييييييييييج انا السبب هيه انا السبب يعلني المووووووووت الله ياخذني ان شاء الله استغفر الله استغفر الله

و قرب صوبها و فتح الفراااش عن راسها و تم يصيحهااااااااااااا

مهاا غمضت عينها بقووه بعد ما نزلت دمعه على خدها : آآآآه الله يرحمج يا وضحه

" و من هذاك اليوم و مطر ما عاد مطر الاولي مطر تغير 360 درجه تم يلوم عمره و يلوم عمره الين ما اتجهه للخمر و السكر و العياذ بالله عشان ينسى ذكرى وضحه و يمحيها من باله "

مها و هي تقرب صوب مطرو راحمتنه و راحمه حاله : مطر مطر

مطار و هو يقوم برعب : هاااه شووه
مها : مطر سير حجرتك ارقد سير
مطر و هو بعده راقد و نصه واعيو نصه راقد : آآه سامحتيني

مها و هي تمسح دمعتها : مطر سير ارقد يا مطر سير

مطر قاام من مكاانه و راح يرقد

هي تعرف مطر عقب ما يقوم من النوم ما بيكون جي بينتحل شخصيه مب شخصيته بستوي انسان غير غيير و انتو بتشووفون

...

دق البــآآآب بقووه فضيعه

راشد : نووووووووووره فتحي الباب يالنوري

نوره و هي تمسح تموعها و تقول : اووكي دقاايق

راحت بسرعه و غسلت ويهها و حطت كريم و بلاشر و جحاال يعني تمكيجت عشان تخوز آثار الصيااح
و عقب فجت الباب و هي تحااول تبتسم

نوره : هلا راشد انت ييت

راشد و هو يطنشها و يدخل الغرفه بسرعه و سكر الباب بعصبيه : صدق اللي سمعه !!
نوره باستهبال : شو سمعت ؟؟

راشد و هو يحاول يمسك اعصابه : انج مواااافقهـ على زوااجي من حمده

نوره و هي لافه وييههها عنه و تحاول تلهي عمرها بالتنظيف : أممممـ هيه و مبرووك مقدما " و حست بطعنات في قلبها و هي تقول هالرمسه

راشد و هو يلفها صوبه و يطالع فعينها : طالعي فعيني و قولي انتي صدق مواافقهـ

نوره و هي ما تتحمل ما تقدر تجذب على عيونه : اووووف

..وقالت بصوت خفيف : أنا موافقهـ

راشد بعصبيهـ ودرها : بس انا مب موااافق

و لف صوبها برجااء : بهالسهوله استسلمتي يالنووري بهالسهوووله تخليتي عني
نوره : أممممممـ بعد فيه شي ثاني

راشد و هو يلف صوبها باستغراب : شوووه ؟؟؟

نوره : أبــآك تطلقني

!!
!
!!
!
!!
!

كـــــــــــــــــــــــــــت



راشد شو بتكون رده فعله لنوره و لموافقتها على زواجه ؟؟ و هل هو بيوافق بعد و لا ؟؟؟

مها و مطر و عرب أمريكـــآ شو توقعاتكم لهم للبارت الياي ؟؟؟

شويخ و الريم و سارووه هل بيقدرون يغيرونها او العكس ؟؟؟

سالم و مريم هل حبهم حقيقي أو لعب بس ؟؟؟

مهاري و زايد شو توقعاتكم لهم في فرنساا ؟؟؟


و أهم شي


راااايكم فالبارت ؟؟؟


و السموحهـ عالقصور



" و ثــــــآنكس عالمرور الغااوي و المشجع لكل المتابعين "


 

رد مع اقتباس
 
 
 


الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض الكل الاعضاء الذين شاهدو هذا الموضوع: 0
لا يوجد اسماء لعرضها

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:48 AM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010