صآفي يآلبن .}}

عضو متميز و شاطر وماعليه كلام ..

بس أحس إنه قوي والقوي الله ..

غامض ، و مـ .....

بلاش نحش في هالآدمي !

هواياته : المراسلة ، القراءة ، جمع الطوابع ، السباحة

، الرماية ، ركوب الخيل ، الـ " بولينق " !

نبذهـ عن حياته يقول فيها : فكوني من شركم ..

ترى لو أنتو شريرين في أحد أشرّر منكم !

لبى قلبه الصافي أنا ..

يقولون أنه عسل عسل ..
لولا هالفهاوة والدلاخه اللي طاقته ..
مدري من وين جابها ؟!؟!
بس أحس أن شخصيته مش ولا بد و تصرفاته طايشة و جـ .....
بلاش نحش في هالآدمي !
هواياته : فنية ، شاعر ، رسام، يجمع علب البيبسي ههههه
نبذهـ عن حياته يقول فيها : عايش سني و
بأغني وبحب الحياهـ ..
أنا طبعي كذا وحياتي كذا ....

نقدر نقول " ما " وافق شن طبقة ؟

كل من شافهم يقول " سبحان من جمعكم مع بعض " !
مدري ليه ..
يقولون أنهم أصدقاء" بالحيل بالحيل " ، مع إنهم إلى الآن
عجزوا يتفقون على شيء واحد طول حياتهم !
بس سبحان الله ! أصدقاء !
قدّر الله وسجل واحد منهم بمنتدى ما في يوم من الأيام ..
وبما أنهم أصدقاء" بالحيل بالحيل " ..

قال للثاني يسجل معاه ..

و من يومها ، واحده يشجع الثاني عشان
يزيدون تفاعلهم بهالـ منتدى ..

العضو 1 :

العضو 2 ألحق تراني أكتشفت أن كل مازدت من
الأرقام اللي عند كلمة الـ " مشاركات " ، يعني
أنك بتصير أقوى ..

العضو 2:

ماشاء الله عليك ، مسوي فيها فاهم يالأخو!
هذا وأنت أكبر مني بـ 5 أيام وكذا تفكيرك ؟
عيل ما أعتب علي !
أنا أقول كل مازدت من طول توقيعك
بتكون أقوى ..

العضو 1:

طالع هذاك المشرف كيف ينسق ردودهـ !
الألوان اللي فيها خطيرة ولا الخط ! كلام ثاني ..
لا لا باين من ردودهـ أنه رزهـ !

العضو 2:

طالع ملف ( فلان) ، توني ألقى موضوع
له يموت من الضحك !
ليش أنا ما أقدر أسوي مثله !

العضو 1:

لا ياغبي ! لاتفتح ملفات الناس !
ترى لو شافك المدير ولا المشرف العام بيدري
أنك ملقوف وماعندك سالفة ! <<< خخخخخ

العضو 2:

لا ما أعتقد أحد يقدر يشوفني ..

العضو 1:

إلا أحس إن الملونين يقدرون يشوفون كل شيء ..
ما ادري متى بتصير تفكر بشكل اعمق مثلي ؟

العضو 2:

أنا أفكر أعمق منك ..
أبي أصير ملون !

العضو 1:

عيل تفتح ملفات الناس الشخصية ؟ وتبي تتلون!
عسى بس ما فتح ملفي الشخصي بعد ؟
يا ويلك ..
ترى أنا ما أحب أحد يتدخل في حياتي الخاصة وكذا ..

العضو 2:

شو أبغي بملفك !
كل مواضيعك مخيسة !
عيل كاتب موضوع عن شو سويت يوم طردك أبوك من البيت ,,, واحنا شدخلنا نعرف شو سويت

العضو 1:

شدراك؟
أسكت بس ، مايتكلم إلا الغيران !
يكفيني إنه رد عليه واحد ووحده ملونين يعني واصلين ..

العضو 2:

عسى ما كان رده ينقل للقسم المناسب ؟

العضو 1:

شقصدك ، تشكك بقدراتي الكتابية ؟

العضو 2:

أنا ما قلت كذا ..
أنت اللي قلت هالشيء مب أنا ..

وعلى هالمنوال ..

من أول ما سجلوا ، و هـ المكان والناس اللي فيه

صار شغلهم الشاغل ..
توهم جدد ، ومانشرهـ عليهم ..
في كل يوم يمر ، كانوا يتعلمون شيء جديد ويستفيدون ..
ومع الوقت العضو1 حفظ أسماء أغلب الأعضاء وتعرف على
محتوى أغلب الأقسام ..
العضو 2 للآن يلخبط بين قسم الفكاهه والقضايا الساخنه ..
بعد مدهـ لابئس بها من وجودهم بهـ المنتدى .....
بدت علاقتهم و ناس هـ المنتدى تتوتر بشكل ملحوظ ..
يقولون أن قاعد تتكرر معاهم مواقف كثيرة صارت
تأثر فيهم ، وبينهم وبين منتداهم ..
حاولت أتحرى السالفة وأعرف شو المواقف اللي يقصدونها
و الأسباب اللي خلتهم كذا ..
المهم أني قدرت أعرف اللي صاير من مصادر خاصة وموثوقة ..

>> ما يمديني يا الـ أف آي بي ..

_ 1 _

العضو 2:

يالعضو 1، طالع هالرد ، إقراه بسرعه :
اقتباس:
أنا أصلا أكره هالأدمي
ماتحس، إنه يقصد أحد ؟

العضو 1:

إلا ، يقصدني وربي ..
من اللي كتب هالرد ؟ ووين ؟
و شو مسوي له عشان يكرهني كل هالكره !

العضو 2:

أصلا أنا " أحس انه يكرهـ كل الناس !

العضو 1:

صدق ؟

العضو 2:

مادري مادري أستغفر الله ، أخاف نظلمه..
بس باين من صورته الشخصية إنه حقودي !

العضو 1:

يعني ما يصير أكلمه مره ثانيه .. ؟

العضو 2:

هيه أحسن ..
أبعد عن الشر وغني له ياخي..

العضو 1:

لا ما راح أعدّيها له ، أنا أراويه والأيام بيننا ..
عيل يكرهني وأنا ما سويتله شي !

العضو 2:

هيه لازم تعامل الناس مثل ما يعاملونك ..

-2-

العضو 2:

ياحليله مشرفنا .....!
- روعة !!، هذاك المشرف! -
" أحسـ " ـه شاطر وحبوب وما يبغى يزعل حد منه ..

العضو 1:

لا تجيب طاريه تكفى ..
لا تقول ياحليله !
مالت عليه ..

العضو 2:

أوف ، ليش ؟ شو مسوي ؟

العضو 1:

تخيل كل ما نزلت رد ، حذفه ، كل ما نزلت رد حذفه !
" أحسه " مستقوي وعنده إشراف ..

العضو 2:

لهالدرجة ظالم ؟
لا عاد ، ما كنت أتوقع إنه كذا ..

العضو 1:

هيه ، حتى " أحس " أنه مستّقد للأعضاء ..
يا غير يحذف بمواضيعهم وبردودهم هالمساكين ..

العضو 2:

حسبي الله عليه ، إذا هو مستقعد لنا حنا بعد نستقعد له ..

- 3 -

العضو 1:

المشرفة القسم اللي أحبه خلت الإشراف ..

العضو 2:

لااااا قهر !

العضو 1:

تتوقع شو السبب ؟

العضو 2:

" أحس" إن في حد مزعلنها !
تتوقع زعلانه من الإدارة وإلا من عضو معين ؟

العضو 1:

لا لا ما أعتقد ..

العضو 2:

إلا ، أنا " أشك " إن هذا اللي صار لها ..
أصلا لما المشرف يترك إعرف أنه
متضارب مع حد ، أو حد مزعلنه ..

العضو1:

عيل شكلها الإداره هي السبب

العضو 2:

هيه " أحس " كذيه ..

حالــة الـ " شكــشكـة " :

حالة متأزّمـة ..

تيي للناس بشكل يفوق الوصف ..

متى تحدث ؟ :

تحدث لما تصير الأحاسيس و الشكوك تتحكم في

تعاملات الناس مع بعضها !
في هذي الحالة يصيرون الناس " يشكشكون " ..

أسبابها :

لم يعرف سببها الفعلي إلا الآن ..
في ناس تقول أن سببها هو التفكير بشكل
سلبي في كل الأمور ..
هذه الحالة صنفت من أشد الحالات اللي تخلي الشخص
حاد الطباع في التعامل مع غيرهـ ..
للأسف منتشرة وبكثرة ، بشكل يلفت الأنظار ..
لها آثار مدمرة ، كل ما زادت حالة الـ " شكشكة "
زادت هالآثار قوة ..

العلاج :

- التخفيف من كلمتين " أحس " ، " أشك" ..

- تصفية النية عند الحكم على الآخرين ..
- النظرة الإيجابية الدائمة في جميع تعاملاتنا مع الناس ..

نصائح وقائية :

- مب كل شيء ينقال يتصدق ..

- لو واجهتي أختي العضوة وأخي العضو أناس أمثال العضو 1 و العضو 2
من ناحية التفكير ، طنشوهم ..
نكمل مابدأنا به ..

الـ " شكشكة " غالباً تبدأ بيننا وبين نفسنا ..

نصير نهويس باللي حولنا كالآتي :

أحس فلان يقصدني بكل مواضيعه ..

أحس فلان يكرهـ فلان ..
أحس فلانه تكرهني ..
أحس فلان متكبر ..
أحس ... وأحس .. وأحس ..

تستمر هالـ " شكشكة " لين تتطور ..

ويصير الشخص مايتقبل تصرفات اللي حوله بمجرد أنه
( حس ) بأن غيرهـ يتقصدهـ ولا يكرهه ... إلخ ..

مع الوقت تبدأ تطلع آثار الـ "شكشكة " ..

وهي التخاصم ، والتعامل الحاد بيننا وبين بعض مثال :

حسيت إنه يتقصدني أنا أراويه !

حسيت إنه يكرهني ، بأكرهه ..
حسيت إنه .... بـ .....

وبالتالي تصير بيننا مشاكل سببها :

أبد ، ولا شيء !

شكشكنا في البداية شوي وبس ..
لما نبني تصرفاتنا مع حولنا على أساس الـ" شكشكة "
فـ هذا غلط بحقنا وبحق الآخرين ..

معاً لـ :

نتقبل الآخرين ، نكون مرنين ، متسامحين ..

- نمسكها وحدهـ وحدهـ .. -

نتقبل الآخرين :

هو أننا نبني علاقاتنا وتعاملاتنا معهم بشكل إيجابي
ونتقبل وجهات نظرهم بسعة صدر ..

من أهم الأسباب اللي ماتخلينا نتقبل غيرنا هو :

التكبّر ..

مثال :

( من هو عشان يتجرأ ويرد رد مخالف لرأيي ! )
( هالعضو ماصارله أسبوع ومسوي لي فيها أقوى واحد هذا اللي ناقصني ! ) ، إلخ ..
إذا نبي نكسب اللي حولنا ، فـ هذا التفكير لازم نتحاشاهـ ..

انزين والحل :

نكون مرنين :

مأخوذه من مصطلح أسمه ( المرونة ) ..
لما نقول أن المطاط مرن ، فهذا يعني أنه يتشكل بسهولة
ولما ينضغط من أي جهه يتحمل هذا الضغط بشكل سلسل ..
>> لا عاد تضرب أمثلة ..

المرونه في التعامل تحتاج لـ مجهود + صفاء نية + صبر ..

ما نقابل الإساءة بالإساءة ، نحاول نقابلها بإحسان ..

باقي الـ تسامح :

غلطنا بحق غيرنا كثيييييييييير ..
وغيرنا غلط بحقنا كثيييييييييير ..
مافي أحد مايغلط ..
بس ماينفع نبقى على الغلط ..
لازم نسامح بعض ، ونغفر زلاّت وأخطاء بعض !