{ . . آيــے ۈاڶڶـہ آهۈجس ۈڶآنيب مرتآح !*

السلاام عليكم . . }

{. . محمد بن فطيييس . . !*

،
.


أي والله أهوجس ولانيـب مرتـاح ..
.. والحزن في حوش الحنايا بفـاروع


أمسيت من وصل المواليـف مـزّاح ..
.. وأصبحت من فرقى المواليف مفجوع


البارحه في غبّـة الوصـل سبّـاح ..
.. واليوم من عرش المواصيل مخلـوع


يا صاحبي صرح الهوى والوفى طاح ..
.. والقلب كنّه من عراويـه مقشـوع


كان أحسب أن لحبّنا عشـرة أرواح ..
.. الين شفت الحبـل بيـديّ مقطـوع

العام خلّي يسمـع القلـب لاصـاح ..
.. واليوم مهما صاح ماهوب مسمـوع


يوم العهد به حـدّه اسبـوع لا راح ..
.. اسبوع ويعوّد علي شـوق ودمـوع


واليوم خمس سنين والهم مـا زاح ..
.. هم الفراق اللي بلا عـذر مشـروع


واستغفر الله تسعة شهور يـا صـاح ..
.. في غيبتك قمت احسب اليوم باسبوع


ضاع الحساب وشفت برق الجفا لاح ..
.. وأيّست لولا ان الرجاء فيّ مـزروع


وحالي نحل والحال ماهوب منسـاح ..
.. من كثر ما اضمى للمواصيل وآجوع


بليت فيمن دونـه سيـوف ورمـاح ..
.. وغدا علي وصله مثل حبّـة الكـوع


له منّي ان سرّه على الناس ما باح ..
.. ولي منّه ان الصد غصب بلا طـوع





..

ان شاء الله تعجبكم