\\
*~.. الفـصـــــــــل الحــ 11 ـــآآدي عشر ..~*
//
عند شويخ بعد ما عدلتها ساروه
فتحت عيونها بعد ما كانت مغمضتنهن طول الوقت
رمشت بعيونها بصدمه من اللي كانت تشوفهـ .. انصدمت من عيونها اللي كانت دوم تخفيهن بالسواد اللي تحت عيونها من السهر .. انصدمت من ثمها اللي كان اسود من كثر ما كانت تدخن مع شله الخياس .. انصدمت من شعرها اللي كانت تخفي نعومته و تبقى معقصتنه طول اليوم
هذا كله كانت تخفيه تحت مسمى البوووويهـ كله كانت تخفيه عشان تبين انها بويه صدق
نست او تناست ويهها الطفولي البريئ اللي انصدمت من شافته اليوم هي اخر مره شاف ويهها جذي من كم سنه
انـآ بنوتهـ هي نعم أنـآ بنوتهـ الحين نفس يوم كنت صف 3 اعدـآآآدي
تذكرت اللي كانت ناسيتنه و نسته من قوه فرحتها تذكرت سنه 3 اعدادي لــآ لـآ مستحيل ما ابا انا بتم جي بتم مثل ما انا و ما بتأثر علي هالاشياء
غمضت عيونها بالم و حاولت قد ما تقدر ان دمعتها ما تظهر قدـآآآم ساروه
كل هذا صار قدام ساره اللي كانت تطالع ملامحها بترقب و شوق لمعرفه تاثير اليوم عليها
بس صدمتها يوم لفت عليها بدفاشه و تمت تفج الشبابيص اللي على شعرها بقووه و دفاشه اكبر كانها تفر كل حرتها على شعرها
لفت عليها بعيوون يطلع منها الشراررر و قالت بصراخ و صوت عالي : خلااص ارتحتي سويتي اللي تبينه سمعيني يا سويره انا مستحيل استوي بنوته يا بنت الناس ما ابا استوي بنوته غصب هو و دام ربعتج ما تيي منها الا المصالح ما اباها
مطت شيلتها من الطاوله بقوه و حطتها على راسها باهمال و هي تمشي بسرعه صوب الباب خذت دريولهم و ردت بيتهم و طول الطريق و هي تصيح أيـآم 3اعدادي و أيـآم 3 ثانوي و التحولات اللي صارت بين هالسنين
أما عند ساروه بعد ما نزلت كلمات شويخ عليها مثل القنابل طاحت دموعها تلقائيا
معقوله معقوله انا صداقتيهـ صداقهـ مصالح اناااااا حرام عليج يا شيخه حرااام الله يلعن الساعه اللي صرت اعزج فيها و اتمنى لج الخير و الدليل اني كنت اباج تستوين بنوته انا الغبيه انا الغبيه اللي سويت جي الله يسامحج يا شيخه على ظنج
...
جيت كلي شوق وإحساس وولهـ .. أحمل أشواق الإمـارات بيــدي
جيتكم أحمل مشاعر مرسلهـ .. باسم دار الزين واسمـي يا بعـدي
تنفست هوا الامارات بقوووه وه بس يا حلاه هوا الامارات " على الرغم من حره " بس غيررر غيرر يوم تحس انك فبلادك تحس بالامان لو محد حولك و هاي مب أي بلاد هاي الامارات الغاليه
لاول مره من خذت زايد هاي اول مره تحس فيها بالامان هناك غربه ووحشه يعني لو سوالها أي شي محد درابها لاكن الحين ما يقدر يمس شعره من راسها و حولها اهلها و خصوصا بعد القرار اللي اتخذته
نزلو من الطياره و سوو الاجراءات الروتينيه المعروفهـ راحو واحد من الكوفيات القريبه من البوابه عشان يلتقون مع سالم اللي كان يترياهم و ما شافهم فاتفق معاهم يلتقون في كوفي ..........
قالت بصوت اقرب للهمس لانها من اخر موقف ما كلمته : زايد
زايد بدون ما يحس و كانه ما صدق سمع حسها : هلا
مياري استغربت من كلمته بس طنشت و قالت بصوت خفيف : بروح الحمام " الله يعزكم " شويه
زايد : اوكي بس تدلينه وين ؟؟
مياري اللي كانت تبا تنهي الكلام بسرعه : هي هي ادله
راحت عنه بعيد و هي تدور أي علامه تدل على مكان الحمام .. اووف وينه الحمام انا اخر مره يايه المطار من سنه وين بتذكره انا الغبيه اني ما قلتله ماعرف مكان الحمام .. عادي عادي اضييييع و لا اتم اسولف مع زايد زياده وين انا بالغصب كنت ماسكه عمريه كلمه زياده و كنت بتراجع عن قراريه
تمت تدور و تدور على امل انها تحصل الحمام " الله يعزكم "
و فنفس الوقت
وقف زايد اللي لمح سالم من بعيد و هو يقرب صوبه و فعينه نظره استغراب ..هههه اكيد مستغرب ليش الشيخ مياري مب موجوده ..
سالم و هو يوايه زايد : مرحبا مرحبا الساع يا ريال ما بغيتو تردون
زايد بمرح مصطنع : ههههه تبا الصراحه انا عن نفسي ما ابا ارد لكن مياري مادري بلاها عزمت ترد البلاد و انت ما صدقت
سالم : ههههههه هيه هاي الغاليه ما نرد لها طلب الا هي وينها " و هوو يمررر ويهه عالطاوله يدورها "
زايد : راحت الحمام الله يعزك
سالم : هيييه خلاص عيل بنستناها لين ترد
و تم سالم يتخبره عن السفر و علوم فرنسا " المشؤؤوومهـ "
...
أمريــكــآ
مهـآ اللي اختفت هاليومين بسبب امتحـآناتها النهاائيهـ
قررت اليوم تتخذ قرار جريئ شوي بالنسبه لها طبعا
اللي هو انها تمر على مطر تتطمن عليه اللي صار لها كم يوم ما شافته قبل كانت تشوفه الصبح مرات بس الحين صار له تحول انه يرقد نفس العالم فليل و يقوم الصبح .. شو سبب هالتغيير مجهول للحين بالنسبه لمها .. !! ..
فتحت الباب و هي تتمنى انه يكون راقد عشان ما ينتبه انها دخلت غرفته تتطمن عليه لان العلاقه بينهم مثل ما عرفنا قبل جاااااااافه
رمشت بعيونها عشان تتاكد من اللي تشوفه الحين .. قاعده تشوف اخوها مطر يتشهد و يصلي .. ماشافته يصلي من زمــــــــــآن ..
طاحت دموعها من الفرحه هذا اللي كانت تتمناه و تباااه من قبل يالله محلى هالمنظر و هي تشوف مطر يصلي الحمد الله الحمد الله الله هداه و عرف الطريق الصح
انتبهت له و هي يوطي السياده و فنفس اللحظه هو انتبه لها
قابله بابتسامه تبعتها تكشيره بعد ما انتبه لدموعها
ما حس بها الا و هي تطيح عليه بقووه و تلوي عليه من الفرحه
ارتــآح ارتاح بقووه بعد خصوصا بعد ما حس انها صارت تحس بالامان معاه و خصوصا انها لوت عليه بدون لا تخاف
مها و هي تودر مطر و تمسح دموعها : الحمد الله الحمد الله
مطر : انـآ ندمان عاللي سويته يا مها السموحه السموحه منج يا اختي سامحيني
مها :مسموح و خصوصا بعد اللي شفته الحين كيف ما اسامح اذا ربك يسامح
...
بعد حوالي نص ساعه في المطار و فنفس الكوفي عند زايد و سالم
سالم : مب كنه تاخرت ميره
زايد و هو يطالع ساعته : هي و الله اووف اووف الساعه ثلاث و هي رايحه 2 و شي
سالم و هو يقوم : قم قم ندورها اخاف صار فيها شي
زايد : صبر بدق عليها بشوفها وين
و دق على ارقامها بارتباك و فاجئه صوت الحرمه اللي ما يحبه " ان الهـآتف اللذي طلبته مغلق .... "
زايد بارتباك : تلفونها مغلق
سالم فز : شووه ؟؟
زايد : اممممم قوم انت دورها فالاماكن اللي عدال الكوفي و طل على الكوفي كل مره اخاف تيي الكوفي و ما تحصلنا و انا بدورها صوب السوق الحره يمكن راحت تشتري شي
سالم : خلاص تم يلا
و روحو كل واحد بصوب تحت هدف واحد انهم يحصلون مياري " الضــآيعهـ "
في صوب مهاري
.. أففف و اخيرا حصلتك يا مستر حمام ..
راحت صوب الحمام " عزكم الله " و عقب تمت تعدل شيلتها و عباتها كالعاده
طلعت و لقت مقابلها الاسواق و السوبرماركت حاولت تتذكر المكان اللي يت منه بس ماقدرت لان راحت فالدرب عشوائي بدون ما تركز و لا شي
طرت على بالها فكره انها تمر على السوبرماركت و فنفس الوقت تسالهم عن مكان الكوفي
طبعا ما بقت و لا حلاوه و لا شبس و لا شوكلت و لا أي شي ينتمي للحلويات ما شرته لان عشقها الحلويات دفعت الحساب و سالت راعي الكاشير عن مكان الكوفي و عرفت الدرب تقريبا
تطمنت لانها خلاص عرفت المكان فتمت تمشي على مهلها و هي تشوف المحلات و غيره
لمحت طرف كندوره لفتت نظرها و فجت عيونها يوم شافته يرمس تلفوون وهو يدور على عالمحلات
.. احم احم يدور عليه من قدي ..
قربت منه شوي شوي و هي تدعي ربها انه يكون هو و ما تكون مغلطه فالريال
عند زايد قبل 5 دقايق تقريبا
تم يدور عليها بين المحلات بتوتر خايف ما يحصلها و يبتلش مع هلها
انتبه لتلفونه اللي يرن من الصبح و طلعه .. شاف 2 مس كول من .. خديجه القرده .. ههه ضحك عالاسم هو متعمد يسميها جي لانه مهمتها نفس القرد بس تضحك الناس بقصد و بدون قصد
هذا وقتها عشان تخليني اروووق شوي
دق على اعاده اتصال و ردت عليه بعد ثواني
خدووي : هلا هلا و الله بالشيوخ وينكم تتغلون علينا
زايد : هههه تدرين بي معرس و توني راد من السفر
خدوووري : افاا ليش ما طولتووو ؟؟؟
زايد بغرور : هههههه طفشت مني اونها من كثر ما ارمس البنات تعرفين لازم هالشغله ما نودرها
خدوي : هههه و الله انك ريااال هي جي لا تنسانا مثل غيرك من عرسو اعتزلووو المهنه
زايد : لا لا افا عليج خدووي انتو عسل هالشغله ما نقدر نعيش بليااكم تطمني ما بقطع اتصالاتي مثل غيري
دارت بها الدنيا لا لا مستحيل حتى بعد ما استوى هذا كله و رده البلاد و براااائتي بعده مصر على انه يرمس بنات حتى بعد ما بينتله اني برد بيت هليه يعني ما يهمه !!!!!!!!!!
مب قادره اصدق !! و مب قادره اتحمل !!
دار راسها من كثر التفكير و التعب و ما حست بعمرها الا و هي تطيح بقووه على ارض المطار
أما زايد فبعد ما سمع صوت قووي عالارض كنه شي طاح لف ويهه و بايده التلفون .. طــآح التلفون من يده من قوه صدمته .. طاح بدون احساس عدالها و تم ينادي على حد يساعده بدون ما يحس
...
...
و فنفس الوقت عند سلاميـ
كانت قاعده عالمسن و شافت توبيك عنود ربيعتهاو كان .. رفجهـ عليكـ تقول ليـ تم ..
و حبت تلعوزها شويه
()( كنـت اشوفك شي ثآني )() * سلامي *
اممررره تم امري انتي بس
.. رفجهـ عليكـ تقول ليـ تم .. * عنود *
هههههه مب انتي
()( كنـت اشوفك شي ثآني )() * سلامي *
طالعوو انتو شهالدفااشه عالاقل جاملي
.. رفجهـ عليكـ تقول ليـ تم .. * عنود *
فديت قلبج انا .. جي حلو استويت رقيقه صح 
()( كنـت اشوفك شي ثآني )() * سلامي *
هههههههه مالت
.. رفجهـ عليكـ تقول ليـ تم .. * عنود *
عليــج هع .. هي صح ذكرتيني ترا الاسبووع الياي حفله تخرجيهـ بنسبه 85.6 احم احم
سلامي و علامات الاستفهام على ويهها
شووووووه ؟؟
.. رفجهـ عليكـ تقول ليـ تم .. * عنود *
بلاااج ؟؟
()( كنـت اشوفك شي ثآني )() * سلامي *
ويت ويت الحين من وين عرفتي نسبتج ؟؟
.. رفجهـ عليكـ تقول ليـ تم .. * عنود *
من وين بعد طرشولي عالايميل اليوم .. ما وصلج ؟؟
سلامه بسرعه
بترخص غناتي بااي
عنود و هي تضحك في غرفتها : اكيد الحين بتدور نسبتها الله يعينها يمكن بعدها ما وصلت
هههههههه باي
...
في مكتب من مكاتب المطار
شلوها و حطوها فاقرب غرفه للموظفين
و لحسن حظهم الوقت كان الفير و محد نااس وايد
زايد بتوتر و هو يصفع مياري بالخفيف : ميره ميره قووومي ميره
و قال و هو يصارخ : ييبو عطر " و صارخ يوم حسهم ما فهموله " بيرفيوم بيرفيوم لا بارك الله فيكم
الهندي و هو يهز راسه : اوكي اوكي بابا ما في سوي جنجال
و تم يحوس و يدور لين حصل عطر محطوط فالدرج
شل العطر و ياب كلينكس و عطاه زايد
زايد بنفرزه : ييب ييب ما شي فايده منكم انتو
و رش عالكلينكس كم رشه عطر و قربه صوب خشم ميروه عشان تنش
زايد : ميره ميره يلا نشي
و فهاللحظه تم يرن تلفونه اللي كان عداله بعد ما يابله اياه الهندي اللي يبيع فالمحل
زايد و هو يشوف الاسم من بعيد قال بارتباك : هذا سالم شقوله الحين اخاف اقوله عنها و ايي و هاي تقوله كل شي الله يستر
زايد : الو سالم
سالم : ها حصلتها
زايد بارتباك : حصلتها طايحه فواحد من المحلات مغمى عليها
سااالم ببلاهه : هاااااااااااااااااااه
زايد غمض عيونه " الله يستر " : اللي سمعته
سالم : هي بخيير الحين .. أقول انا ياينكم انتو وين
زايد : فـ ..........................
سالم : باي
و سكر التلفون على ويهه من خوفه على مياري
زايد و هو يقرب الكلينكس : بس عااد يلا ميره نشي شوفيج اليوم
ميره و هي تحس بريحه قويهه على خشمها و صداع اقوى فراسها فتحت عيونها عالخفيف و سكرتها مره ثانيه بعد ما شافت الليت القوي و وويهه زايد مقابلنها
زايد و هو يصفعها مره ثانيه بس بخفيف : هاه ميره قمتي بشو تحسين ؟؟
ميره و هي تخوز راسها عن ريول زايد حطت يدها على راسها من الصداع اللي تحسه و حاولت تعصر مخها شو اللي يابها هني بس هذا كله ما يحتاي لانه من شافت ويه زايد مره ثانيه طالعته بنظره غريبه و هي تبللع ريقها و كانها تذكرت كل شي
ما حبت تقوم حبت تتم جي و لا انها تطالع زايد و تتذكر كل شي و هذا اللي خلاها تطيح مره ثانيه عليه و هي تغمض عيونها بقووه
زايد بخوف : ميره ميره بلااج ميرررررره ؟؟
بعد 5 دقايق
دخل عليهم سالم و هو خايف على مياري
خذها من زايه و حطها فوقه و تم يقولها و يصفعها بالخفيف : ميروه ميرووه قومي
ما حس بها الا و هي تقوم بسرعه و تلوي عليه و هي تصيح بعد ما حست بوجوده
و هذا اللي خلا زايد ينصدم وااايد و يفج عيونه عالاخر !!!!!
...
فجت الهوتميل تشيك عالرسايل يمكن وصلها شي لانها من يومين فاقده الامل انهم يطرشولها نسبتها
بعد ثواني صرخت بصووت عالي : يــــــــــــــــــــــــــــــــــــــــــٍس
و تمت تناقز فالغرفه و هي الارض مب شالتنها من الفرحه
دخلت عليها حرمه سعيد اخوها
علياا : بسم الله اللهم سكنهم مساكنهم بلاج يالخبله
سلامي و هي تنزل من الشبريه و " تهجم على عليا " و تحبها على خدها بقوووووه : ياااااي انا مستانسه اليوم مستاااانسه واايد
عليا و هي تضحك على تصرفاتها : هههههههههه بلاج ؟؟
سلامي بصراخ : باركيلي باركيلي
عليا : مبرووك مبروك انخطبتي
سلامي بتكشيره : لا بسم الله عليه " و شقت الويه من الابتساام " احم احم طلعت نسبتيه
عليا بفرحه : و الله " و بفضول " بشريني كم كم ؟؟
سلامي بصراخ : 94.4 ياااااي
عليا : و الله ماشاء الله ماشاء الله تبارك الرحمن مبروك مبروك غناتيه منج النسبه و منها التخصص هع
سلامي : هههههههههههههه مالت عليج
عليا فتحت عيونها : شووه ؟؟
سلامي : ههههههههه باي باي بسير ابشر اميه
عليا : ههههه
و نزلت تحت فالمطبخ عند امها
سلامي و هي تغمض عيون امها من وراها : احم من انا
أم سلامي و هي تضربها على يدها : سلامووه بعد شوو ؟؟ قومي قومي عنيه لا ينحرق الاكل
سلامي : ههههههههههههه امييييييييييييييييييه
أم سلامي بصوت عالي : و عللللللللله
سلامي : بس عاد عالاقل اليوم رمسيني زين انا كبرت ^ـ*
ام سلامي : لا و الله و ليش اليوم بالذات .. و لا كبرتي اليوم
سلامي و هي تصارخ : اميييييييييييه اليوم ظهرت نسبتيه
أم سلامي و هي مشغوله بالطبخ : شسويلها
و عقب ثواني استوعبت رمسه سلامي و قالت : شوووه
سلامي : هههه اقولج ظهرت نسبتيه
أم سلامي : من الحين اقولج اذا مسوده الويه لا تقولينها و لا بالمغرفه على راسج
سلاامي : لا لا تطمني نسبتيه تبيض الوييييييييه
أم سلامي : انزين كم ؟؟
سلامي : كح كح الشيخه سلامي يابت 94.4
أم سلامي و هي تلوي عليها : مبروووك مبروووك تستاهلين غناتيه امرره اطلبي أي شي و انا تحت امرج
سلامي : أبا سلامتج اماايه
أم سلامي : لا لا نقي و اختاري الهديه اللي تبينها و انا بشريها
سلامي : خلاص خلاص ابا من ذووقج يالحلوه
أم سلامي : من عيووووووووووني
سلامي بصوت خفيف : طالعو الفرق قبل دقايق و الحين صدق ان النسبه ترفع الراس بياض ويه
...
وصلها سالم السياره و ايده بيدها و ركبها ورا و هو يردد : هدي و سمي باسم الله
كل هذا قدام زايد الممذهول من حنان سالم و صياح ميره
ركبو السياره و جو السكون يعم عليهم كلهم من غير صوت شهقات و دموع ميره و هي تصيح
سالم : هدي يا ميره بلاج شو صارلج انفجرتي مره وحده هاذوه ردينا البلاد و كل شي بخير
ميره و هي تشوفه رايح وين درب بيت هل زايد صرخت بدون احساس : ودني البيت ابا بيتنا بيتنا
زايد انصدم منها و لف عليها و هو مصدوم : شوه ؟؟
ميره و هي عاطتنه طاف و ترمس سالم : سالم بلييييييز ودني بيتنا ما ابا ارووح عند زايد دخيلك طلبتك
سالم بهدوء : خلاص خلاص بنوصل زايد و بوديج معايه البيت
ميره : اقوووووووووولك ودني بيتنا ما ابا اتم معاه ثواني زياده الشيمه سالم
سالم : خلاص خلاص من عيوني بس هدي اعصاابج
زايد لف على سالم و هو بعده مصدوم " بلاهم الاخوان كلهم انقلبو عليه لا اله الا الله شو اسوي الحين ابا اهزبها و امطها من كشتها اوديها البيت بس ما اقدر و ابا اترجاها اقولها ودري هالحركات عنج و ردي مثل قبل بس مستحييييييييل "
...
في اليوم الثاني
يوم العرس " عرس راشد على حمده النسره "
طبعا استوى في بيت حمده لان العرس بيكون عائلي بس و لان اغلب العايله مضربه عن هالعرس و متفقين ما يحضرون و اللي هي عايله نوره و مياري امهم حالفه عليهم ما يروحون عرس زايد و نفس الشي الريامي اللي عذرت و عاندت انها ما بتروح لين ما فقدو الامل منها
و هذا اللي خلا المعازيم مب وايد و اغلبهم من عايله حمده
كانو يالسين عالكوشه و البرود مالي المكاان
ما قالها و لا كلمه و لا حتى مبروك و هذا اللي خلا الحميدي تنقهر و تفكر في اللي قالته لها شماسي
قربت شماسي صوب الحميدي و هي تقولها بصوت خفيف و تتطنز عليها : هههههه هذا ريلج البارد اسميه من الحينه يبين انه ما بيعطيج ويه عنبوه الناس بدت تنتبه على برودكم الله يعينج عليه و على حرمته
حميدي بقهر : شمسوووه شسوي معاه ؟؟ ساعديني
شماسي و هي تغمز لها : اللي قلتلج ياه قبل لا تنسين له مفعول بيخلي روييشد خاتم في يدج
حميدي بدون احساس و كانها نست ربها اللي فوق " اعوذ بالله " : خلاص خلاص شكله ماشي غير هالحل انا عقب كم يوم بدبرلج كم فانيله له و لا تنسين سويله عمل .. سحر .. خليه يمووووووت فيني سمعتي خلي راشد يموت فيني
شماسي : امرره تامرين امر
و نفس العيون اللي شافتهم قبل و ما سوت شي سمعتهم و سمعت حوارهم و هي ترقص على الحان الموسيقى
بعد كم ساعه خذوهم وودووهم الجناح بعد ما هلكتهم المصوره بالتصوير
راحووو غرفتهم و الشيخ راشد من لوعته و تعبه من العرس رقد فالوقت اللي تتسبح فيه حمده
...
أما عند عوواااش في بيتهم بعد ما طلعوها من المستشفى
من طلعت من المستشفى و هي حالتها حاله لا ليلها ليل و لا نهارها نهار طول اليوم ساكته و لا تصيح و الاكل مسحته من قاموسها و هذا اللي متعب امها
وصلها مسج من مسجات علي المعتااااده
و فيه صوره لها و مركبنها و لاعب فيها و خليا كنها يالسه عدال واحد
فتحت عيونها لان الصوره جريئه شوي
و طاح التلفوووووون منها و بدت مناحتها
دوم دوم صار يهددها و يوميا يطرشلها يمكن 5 صور نفس هاي
و من كم يوم صار يزيد من جراه الصور يعني يخليها تلوي على واحده و لا يالسه بين اثنين كانه يبا يثبتلها انها وحده من هالقذرات بنات الشوارع
عواش و هي تصفع عمرها : ااااه ااااه لو يدري محمد و الله ليذبحنيه اه انا لازم اسوي شي " و قالت بلهجه فيها مكر و جنون شوي " هي انا لازم ادمره مثل ما دمرني ما اباه يفضحني لازم اسويله شي لااازم
العرض الشجري
