×|..تشوفني ميت ظما وأشوف غيري بـك روى.. |×

إذا تبي نلعب سـوى لعبـة شمـوخ وكبريـاء
أوكيه أبلعبها معك لكـن بنـص المستـوى..

وإذاتبي نلعب عبـث بـأرواح نـاس أبريـاء
لازم تخاف الي قوى عبده إذا جـار وقـوى..

المسألة ماهي هـوى وإلا عـوى وإلا دهـاء
المسأله نية خفا داخل ضميـر اللـي نـوى..

وإذا الإساءة عبرت ياسيدي عن مـن أسـاء
أجل نتايجها كذا وإلا كذا صـارت سـوى..

إحساسك اللي تصنعه أشوفـه بعينـي غبـاء
الجرح ينزف والبلا ماعـاد نلقـى لـه دوى..

دام الخليـة تعتبـر ياآسـري وحـدة بنـاء
أبيك تذكر لي إسـم وحـدة بنائـك للهوى..

صنعت ثوب من الجفا وأحسنت في صنع الرداء
شكلك تظن المسألة حسب مفاهيمك غـوى..

لكن إذا لم تستحي فأصنـع إذآ كمـا تشـاء
تشوفني ميت ظما وأشوف غيري بـك روى..

أحيان أناديك وتجي نجلس سوى ساعة صفـاء
وأحيان أشوفك تحتوي فرقاي ضمن المحتوى..‏

الله يعين المبتلي مهمـا يكـن حجـم البـلاء
وأنا ابتليت وقصتي بالحـب ملعونـة ثـوى..

عط الغلا للي تبـي وأجـزل بمـدك للعطـاء
وإذا تحسبني بحاجتك ياهاجري مالك لـوى..

أحسنت لك مير البلى جازيتني خيـر الجـزاء
بنيتلك في داخلي قصر مـن الـود وخـوى..

قصة غرابيـل ومضـت أديتهـا خيـر الأداء
وذيب الغرام بداخلي من زود طعناتك عوى..

لاعاد تبكيني نـدم ماعـاد ينفعـك البكـاء
صرح الهوى في داخلي من هول تعذيبك هوى..







اعجبتني كثير ولطشتها
نائبة القمر