على فكره بس حبيت أسألـك
وايش أخبار جرحك ودمعـك
وايش أخبار شوقك و صبـرك
باقي تحب والا خـلاص نسيت
المجروح صعب ينسى و مستحيل
اسألني أنا المجروح وشارب الويل
عشان أنسى أحتاج وقت طويل
ياليت ماحبينا أنا وأنت ياليـت
أنا حبيت أسألك لجل أواسيك
أنا مجروح أكثر من اللي فيـك
شوفني أنا وتهون المصيبه عليك
من كثر الجروح خلاص انتهيت
كنت أقول حبيبي وبحبه يتغلّـى
ولا كنت أتوقع انه فيّا يتسلّـى
ولاتوقعت بسهوله عني يتخلّـى
لِدرجة اني ماعمري فيه شكيت
ماتوقعت يبيع الحب واللي راح
ماتوقعت يجازيني بألآم و جراح
عالأقل أنت أهون مني يا صاح
أنت ماعانيت مثل ما أنا عانيت
اللي يشتري مو مثل اللي يبيع
وأنت أنهيت الحب بدون توديع
بعت الحب والثمن جرح فضيع
أنت بعت الجروح و أنا شريت
أنت ماتنجرح لأن مايوم حبيت
أما أنا غير الجراح أصلاً مالقيت
وأصلاً بهذا الحب مايوم حسيت
وايش تفيد كلمة ياليت وياليت
..................................................
مما راق لي......
العرض الشجري
