.
يامرهـا الدنيـا وياشيـن الايــام
حتى خفوقي صايـر اليـوم ضـدي
يادمعتن طاحت على حـد الاقـدام
محدن مسحها يومهـا فـوق خـدي
فيها دريت انـي ضحيـه للأحـلام
وان الورود اشواك في وسط يـدي
كيف احتظن همي وخفـي ولا انـام
والبحر هايج بين جـزري ومـدي
صفحات ملت من كتابتهـا الاقـلام
وصفعات من كف الزمان وتحـدي
على حياتي وش حياتـي والاوهـام
تربعت وسـط الحشـاء واستجـدي
جرح السنه من جرح مبطي قبل عام
وقبلـه وقبلـه,, والاسـى مايعـدي
زفرات روحٍ تشتكـي نـزف والآم
واهـات قلبـن انثنـي ماستعـدي
ماحسب انه في صفـا الجو ينضـام
لين اقتلب في نار همـي ووجـدي
لولا الحياء مع ديننا ديـن الاسـلام
اني على ذيـك المقابـر لـشـدي
مالي جدا والناب في عظمتـه سـام
سمم جسد واصبـح لعرقـه يسـدي
دام الاسف ياحسرتـي والشقـى دام
ودامت حياتي وانبلج صبـح سـدي
لو اكشف الخافي وضربات الاسهام
ماظن عين النـاس لأجلـي تلـدي
لو ارفع الاصوات وابصم بالابهـام
ماظـن قلبـن للخلايـق يــردي
افلاس نفس طيرهـا بالرجـا حـام
ضيع طريقـه لامـل ثـم صـدي
تقولها موضي على بعـض الانـام
" من ضاع بالاصباح مالـه مقـدي"
وسط الحنايا للأسى وسـم ووشـام
مكتـوب للـي يدخلـه ميـن قـدي
انا اعيـش وعيشتـي ذل واعـدام
وقتي شحيح وعبرتـي هـي نـدي
يوم انها طاحت على ذيـك الاقـدام
محدن مسحهـا والمكـاوي بخـدي
يامرهـا الدنيـا وياشيـن الايــام
حتى خفوقي صايـر اليـوم ضـدي
العرض الشجري
