مل العتاب وداعي الشوق ما غاب
وكل الجروح اغراب لو تفهمينه
يا درب قله عارض الليل لا شاب
صبحك يخبي ذكريات ٍ حزينه
لو قلت لي مات الامل قلت كذاب !
ولو قلت لي هذا الامل قلت وينه ؟
هذي حقيقه والزمن ما بعد تاب
قولي هلا .. لامد يمك يمينه
يا دمعة ٍ تكتب معاناة الاهداب
صدر الزمن مطعون لا توجعينه
ياما قريت ان الوطن حفنة تراب
يعني وطن .. كل الوطن تسكنينه
وياما قريت ان الغلا ماله اسباب
وبلا سبب قلب العنا تملكينه
ابيات تحكي صمت والشوق ما غاب
لو تفهمينه .. كان ما تجرحينه