بسم الله الرحمن الرحيم
المساجله رقم (10)
إسنادا على الشاعر/ مبارك طناء التبيناوي
قيل ضايع ودربي يامبارك عدال = ومن يضيع القوايل مايفيده دليل
قلت ياناس قلبي مع حسين الدلال = لو نهوه العواذل عادته مايميل
كيف يترك طريقه والهوى له مجال = ومن بغى الصعب يصبرلويشيل الثقيل
قيل ياهيه وش لك في بنات الشمال = قلت قلبي شفوفه تحت ضله يقيل
وقولتي كان خلي صارصعب المنال = يلعن العشق يودع من يذوقه ذليل
الراوي /فواز الغسلان
ردا على الراوي /فواز الغسلان
كان دربك عدال ولاهناك أحتمال = وأنت تبخص رحيل البدو قبل النزيل
خذ جوابي ورتب للإجابه سؤال = أبعد العاطفه والشف والمستحيل
وكلمت إبن الحلال وقول راع الحلال = خذ نصيحة مجرب هد نفسك قليل
الغلاء ماهو برد وحر صبح وزوال = ولا هواية قصيد ولا هرابيد ليل
تضحيات وتفاني غربله وإحتمال = تلتزم باالعهد لوشفت قلبك عليل
فرق رآي العيال ورآي بعض العيال = وبعد ذلك تعرف الفايده والحصيل
وأنت فواز صاحب عرف مابه جدال = الرجال العوارف ياخذونك وكيل
الشاعر/ مبارك طناء التبيناوي
العضو الأكثر نشاطاً هذا اليوم 
العرض الشجري
