اقبلو يابعد حيي

السلام عليكم ورحمة الله وبركاته

الذي جعلني اطرح هذا الموضوع هو الموقف الذي حدث لي هذا اليوم في المدرسه

نترك الفصحى وبقول لكم الموقف بالعاميه

كنت انا وحده من زميلاتي في الساحه ننتظر متى ينادون اهلنا

ودق جوالها وتكلمت بصوت مو واضح وفي الاخير قالت باي حبي

هذا الي سمعته ( البنت مو متزوجه ) قلت امزح معها من تكلمين وارتبكت وقالت اخوي

قلت اخوك تقولين له باي حبي اصلن مايمديني اقوله مع ( يعني مع السلامه) الا هو مسكره

المهم قالت تبين الصدق هذا حبيبي مو اخوي

قلت لها مبروك انخطبتي

قالت لا بعدين الخطبه الحين نتعرف على بعض

قلت يعني صديقك قالت لا حبيبي

وحده من البنات كانت في غرفة المرشده وغرفة المرشده الشباك يطل علينا وسمعتنا وحبت انها تتدخل في الموضوع وتنصحها

وكان ردها انكم مكبرين الموضوع واهلكم معيشينكم في خوف حتى ماتسون كذا

وان هذي حمله على العشاق من مجتمع متخلف ( مصدقه عمرها )

هذا انا اكلم وصديقتي وبنت عمي ماصار لنا شئ من الخرافات الي قاعدين نشوفها ونسمع عنها

بالعكس الشاب يفضل انه يكلم البنت ويعيش معها قصه حب قبل لايتزوجها

بس انتم علشان معقدين وعايشين في هذي الكذبه مو راضين تصدقون

قلت لها اوكه انتي ماراح يعجبك كلامي انا والبنت الثانيه

بس انا راح اطرح لك الموضوع في منتدى بعد حيي

وانتي بنفسك شوفي ردود الشباب ورايهم

والحين ابي رايكم ياشباب بمنتهى المصداقيه

تتزوج البنت الي تكلمها ؟؟؟؟

الموضوع الأصلي: اقبلو يابعد حيي || الكاتب: محبة الجنه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات