بسم الله الرحمن الرحيم
السلام عليكم ورحمة الله وبركاته
صباح \ مســاء
المــ س ـــك و الكـــادي
[.. حسبة اخــــواني ..]
رائعة عذبــة من روائــع شاعــرنا العــذب
..[ محـــ م ــــد جارالله الســ ه ـــلي ]..
* .
* .
مـا تباطيـت القصـيـد !! الا تباطيـتـك
والشعر في جيتك شكـل وطعـم ثانـي ..
عانك اقبلت ولمحتـك فـي شطـر بيتـك
((فكره مجنونه تسلى بضيقة اوزاني !! ))
يا اعذب احسـاس ٍ ملكنـي علـك وليتـك
تفهم الشعـر ان شربـك بصحـة لسانـي
يعلـم الله فـي غيابـك مــا تناسيـتـك
بس في مـره نويـت انسـاك ممدانـي ؟!
قلـت ابنسـى وارتفـع صوتـك ولبيتـك
واثـر خفاقـي بصوتـك عنـك نـادانـي
ويش اسـوي دامنـي بالجـوف ربيتـك ؟
طفل تسوى هالحيـاه بعيـن : شريانـي .!
تلعب .. وتكبر .. وتكبر .. ليـن عديتـك :
بالغلا ( آخر نماي ) وكـل ( شيبانـي ) ..
والله ان عمـري بـدا مـن يـوم حبيتـك
واعرف انه ينتهي لـو قلـت : تنسانـي !!
حط فـي بالـك انـا مـن عـام خبيتـك
ان صحيت بخافقي وان نمـت باجفانـي ..
ما بـي غيـري يلمحـك حتـى لـغنيتـك
غرت من صوت الصدى لا ردد الحانـي !!
من كثـر مـا اشتقـت لطيوفـك تمنيتـك
رمش عيني او تصير الشوف لا اعيانـي
وان تمـادى هالحنيـن بجفنـي ضميتـك
وقتها : القاك ! لكن ليـه مـا القانـي ؟؟
والله انـك مـن لفيـت بنبضـي حييـتـك
وكني بقولـة ( هـلا) بيّنـت حرمانـي !!
هذا حالـي يـا الغـلا مـن يـوم خليتـك
وانت طمني علـي فالبعـد وش جانـي .؟
اذكـر انـي بالوفـا صغتـك وسمييـتـك
واذكـر انـك بالوفـا كنـت تحـدانـي
وصرت اشكك فـي كلامـك ليـن بكيتـك
وقلت موعدنا يجي كـان الله احيانـي
ويـوم جيـت بخافقـي وبخافقـك جيتـك
كنت انا رابح مع اني ( خاسر رهانـي !! )
والاكيـد انـي لقلبـي بـيـدي وديـتـك
وعاد شوف اليوم ويـن الحـب ودانـي ؟؟
يـا عسانـي صـدق ولعتـك وهميـتـك
ويا عسـاك بجـد تعشقنـي وتهوانـي
ولـو تقـول انـي بغيابـي عنـك عنيتـك
انت همك صرت اعده (( حسبة اخواني !! ))
* .
دمتم بحب ,,
العرض الشجري
