دخيلك يامنى قلبي حرام أن دمعـك تهلـه!
حرام الدمع في خدك وخدك صـار منديلـه
قهر لا شفت أنا دمعك يهل ومقـدر أشلـه
لو أن الموت ياخذني!!بس أني أقدر أزيله
ترا لامن نزل دمعك أحس الـروح مختلـه
ترا دمعك علي غالي دخيلك مامعي حيلـه
تحسب أني أنا مبكي تراني أخفـي العلـه
أنا أبكي وسط قلبي وعيني مابكـت ليلـه
دموع القلب أجمعها وأشيل الدمـع وأزلـه
أكرر دمعي بقلبي أخاف النـاس توحيلـه
ترا بكي القلوب أصعب عسى مايوم توصله
يشيب الراس بأسبابه كثير الهـم يبغيلـه
أحبك وأعشقك وحدك عليك الروح مفتلـه
وحبك ساكنن قلبي وأنا ما أرضى بتبديلـه
لو ان الوقت في قلبي يحد السيف ويسلـه
ترا حبك معي ثابت مكانه صعـب تعديلـه
يفوح القلب في بعدك كما فوح أصفر الدله
يسج بعالمن ثاني ولا أدري ويش أسويلـه
ولا غير الصبر عندي وهمي (بآكلـه كلـه)
أبصبر وأكتم الونه ودمع القلب في سيلـه
أمانه كفكف دموعك وجفنك مبتسـم خلـه