((لويتوب)) اول مصافحه تدعوكم

السلام عليكم ورحمة الله وبركاته
اول مصافحه لي في منتداكم الشامخ واشكر اختي وصايف التي سنحت لي الفرصه باشتراكي معكم
وها انا اضع بين اناملكم انامل منتديات الابداع والتميز هذي القصيده واللتي هي من ارشيفي


وسااااامحوني على القصور اذا حصل فيها قصور


[rams]http://www.al7an.com/songs/moseqh/kobleeh6.ram[/rams]

(( لو يتوب ))
[poem=font="Simplified Arabic,4,black,normal,normal" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]


لو يتوب القلب عنـك مـا اتـوب حاظر بفكـري وحسـي يسمعـك

يكفي اني لا ذكرت اسمـك اذوب انثـر حروفـك بقلبـي واجمعـك

لو يكون الذنب في حبـك ذنـوب والله اني لاعشـق ذنوبـك معـك

خذتني بالحب واحساسك عـذوب ليتنـي عنـدك اناجـي مسمعـك

في غيابك هايم احساسـي تعـوب يشتكـي بعـدك يبـاري مدمعـك

لك مشيت الدرب واعيتني الدروب ضعت في دربك ودربي ضيعـك

شاعراً ضيع حياتـه لـك يجـوب غايبـاً عنـي وش اللـي يمنعـك

لو يطول الصد ماعنـك هـروب حاضر بفكري وحلمـي مرتعـك

المحبـه نارهـا تبـري القلـوب وانت تارك روح شاعـر طمعـك

مانهبتي روحي الضميـا نهـوب؟ وش بقالـي غيـر همـاً ودعـك

ماخبرت الحب باحساسك كـذوب ارحمـي شاعـر بحبـه متـعـك

في غيابك كني الشمـس الغـروب ضاعت احلامي من اللي جزعـك

صرت لك لعبه تلاعبـي لعـوب مرخصاً نفسي وانا اللـي iiدلعـك

اذكرك نسمـه اذا هـب الهبـوب واذكر اني تـاج راسـك واقنعـك

اتلف اعصابي وانا قلبـي تعـوب تايه بفكـري اجوعـك واشبعـك

ليت لي قلباً على بعـدك طـروب مير كيف ابعـد وقلبـي يهجعـك

رد لي قلبـي وفكـري يالسلـوب ماكفـاك انـي اعيـش لمطلعـك

عايشاً بيـن المحانـي والجنـوب والعيون اللي بكـت لـك مربعـك

المشاعر هايمـه لاجلـك لهـوب والهـوى دايـم يوالـي مرجعـك

كيف انسى ناعس الرمش العطوب وكيف انسى ضحكةًمن مخدعـك

وكيف انسى صاحباً مالـه عيـوب حتى في بعدك حبيبـي ماأروعـك

لك فـؤادي يابعـد كـل القلـوب بس امرني وانـا رهـن اصبعـك

كنك الغيمه وانـا قلبـي سحـوب تمطر بقلبـي وانـا هايـم معـك

في ضهورك تحجب القمرا حجوب ومن سنا نـورك عيونـي تتبعـك

لو يطول البعـد حبـك مايـروب عايشاً لاجلـك بحـب استرجعـك

يكفي ان العشق باحساسك وجوب عشق شاعـر بالهـوى مايخدعـك

شاعراً ضيع حياتـه لـك طلـوب مسقي احساسـه بحبـه جرعـك

لو يتوب احسـاس قلبـك ماتـوب حاضر بفكري وحسـي يسمعـك [/poem]


وسلاااااااااااامتكم
اخوكم .خالد العتيبي ((الـــمــحـــال))