يامسافر طال ليلي وهالكني سهر
سفرتك يادنيتي عندي اكبر من كبير
شوفني واقف على جالك وحالي خطر
هدني طول انتظارك وانا ماني بخير
وحشة غيابك ملت عالمي حزن وقهر
اتوسد غربتي واتلحف بالهجير
صابني ما صابني من ملامات الدهر
شاب راسي من غلاتك وانا سني صغير
يوم تبعد هاج هالكون كله ثم خدر
ولا بقالي غير هم(ن) وقلب(ن) له اسير
ليت مابه لا مفارق ولا حكم وقدر
كان يسلم حالنا ومثل مانبغى يصير
يافراق صويحبي روح ماعندي صبر
المسافه كايده واللقا امره عسير
كل يوم(ن) عنك يقفي وكنه لي شهر
اتجرع لوعته والشقا فيني خشير
عود يالغالي ترى هالزمن فيني غدر
تهت في دنياي بعدك وعنت بي كثير
كل شي في غيابك حزين ويحتضر
وكل شي في وجودك من الفرحه يطير
منقول,,
العرض الشجري
