{.. البتول

رائعة من روائع البدر .. راقت لي وحبيت أنقلها لكم


{.. البتول



كل أرض تشيلك يا ثقيل الحمول
وكل وقت كريم بالرضا والزعل

وين مارحت تلقى لك حبيب وعذول
وين ما كنت تلقى مثل ياسك..أمل

ياطريق الترجي والوله والنحول
والله إني مشيتك... لين حد الثمل

مالقيت في وصولي لغير قبري وصول
ولا عرفت فحياتي مثل عرفي الجهل

لا تظن المسافر من يسوق الرحول
من وقف دون حلمه عاجز ما رحل

وما لمخلوق منجا في الحذر والجفول
ما تصيب السهام ولا يطيش الاجل

الليالي خوات.. مير منهي البتول
والحوادث عشاير مير وين الفحل

ليلة لك .. وليله بالفرح ما تطول
وليلة من شهدها ذب راس الجبل

أتذكر في عين الشمس طفل خجول
شالته في هدبها وقت لين إشتعل

أعجب الناس وهجه بالجدل والفضول
ما دروا عن ( جمال الجرح ) لين إندمل

والله اني كتبته في العطش والذبول
لين غصنه تعدل بالورق وإعتدل

والله إني كتبته لين قال الجهول
والله إني كتبته وانتشى واحتفل

ما أتفه الشعر كانه هالحكي اللي نقول
لا تعدى المديح ولا تعدى الغزل

إن لثمت الزهور وصاحبتني الحقول
ماهقيت ان صافي الشهد عيب النحل

مابقى في ضلوعي كود ريح معمول
وثوب شاش عليه من الندامه وحل

ألتفت للطريق وما عبر منه زول
في جفوني تزاحم عبرتي والوجل

طلت يالعمر والا قلعتك لا تطول
طاولتنا الليالي بالسهر والملل

إن تعبنا نحب ولا لقينا قبول
ما تسر الاماني .. ولا يفيد العذل

لكن .. الله كريم وكل هم يزول
ما على الله بعيد .. ولا جفاك المحل

كل أرض تشيلك .. يا ثقيل الحمول
وكل وقت كريم بالرضا والزعل ..!!!!

ودي

جود