o‏ ‏من غلاتك o‏

السلام عليكم ورحمة الله وبركاته

راقت لي اتمناها تكون تعجبكم



[align=center][table1="width:95%;background-color:black;border:4px inset green;"][cell="filter:;"][align=center]يارفيق الدرب تكفى لا تضايق في زمانـك
ولا تهمّك هرجة الهافـي وطعنـات القفيـاّ
كل مابرقّت عالـي ما لمحـت الا مكانـك
ويش جاب اهل الثرى يامسندي عند الثريّا
ماعليك من الكلام ومعتلي قدرك وشانـك
ماينـزّل هامتـك هـذا ولا ضنـي هذيـاّ
اتضايق من يجيب اسمك ويشككّ في بطانك
وينفجر شريان دمي مثل تفجيـر المحيـاّ
لانّك كحيلان طيب ووقفتك تثبـت كيانـك
دون ربعك ياسليل المجـد تنخـى وتهيـاّ
كل ماضاقت عليّه ما أذكر اني قلـت وينـك
دايمٍ عنـدي هنـاك ودايـمٍ عنـدي هنيـاّ
جعلني ماذوق حزنك وأعتبرني من اخوانك
وحطّني دايم على يمناك ياسمـح المحيّـا
بالرخا مانيب حولك بس بالشـدّه اوزانـك
وقتها لو اتعـذّر راسـي المطنـوخ عيـاّ
والله انك لو تجيني شايش وراكب حصانك
ماعلى السانك سوى حوض المنايا قلت هيّا
ابشر بعزّك تمنّى قول لايـردك السانـك
(المطيري) عند وجهك بالملاقـى والحميّـا
اتِمَسّك في عناني واتمسّـك فـي عنانـك
واتفياّ في ضلالك وانـت بضلالـي اتفيـاّ
افزع لمثلك كذياّ حتى لو عشرك ثمانـك
من غلاتك يارفيق الدرب افزعلـك كذيـاّ
بس أنا طالبك تكفى لا تضايق في زمانك
ماعليك من الثرى يبقـى مكانـك بالثريـاّ[/align][/cell][/table1][/align]