وجدي عليكم وجد مكروب مديون

[poem=font="arial,6,darkred,bold,italic" bkcolor="burlywood" bkimage="" border="double,4,darkred" type=1 line=0 align=center use=ex num="0,black""]
عسى المطر لمتالع الطود مـوزون =غر المزون اللي به البـرق شالـع
يانازل الطوعان ياشـوق مزيـون =بنت الرجال وخده النـور ساطـع
وجدي عليكم وجد مكروب مديـون =شفّي جبل شمّـر عـذي المطالـع
قلبي عليكم يافتى الجـود مفتـون =والعين دمعـه دب الايـام دامـع
ابي وطنكم سيد الاوطـان بفنـون =وتاريخكم مشهور والصيت ذايـع
نعم(ن) بشمّر باسمها الجود مقرون =زبن الدريك وريف من جاه جايـع
شمّر هل المعروف بسنين وقرون =علم(ن) قديم وجاحد الطيب ضايـع
الحق حق ومنكر الحـق مجنـون =شمّر هل الطولات والطيب ناصع
للمرجلة ياتـون وضـدّه يعييـون=متمسكيـن بسلمهـم والطبـايـع
شمّر هل الناموس وللجار يـذرون =وشمّر هلَ النجدات للصوت سامـع
اليا قلت غلبا يالسناعيـس ياتـون =يردون حوض الموت والجمع جامع
شمّر هلَ الشيمات وابليس ملعـون =ستر العـذارى لابسـات البراقـع
الطيب طبع وخالقه خالـق الكـون =مثـل الديـار المعشبـة والبلاقـع
اقولها مالي مقاصـد ومضمـون=وانا عتيبي(ن) عريـب المقاطـع
[/poem]





راقت لي