اتمنى شوفتك لو هي دقيقه ..

مساء الياسمين

كل ما دوّرت لـوصالك [ طريقـه ] ,

ما لقيت من الظـروف / الاستطاعـه !

.الحقيقـه ,والحقيـقـه ,والحقيـقـه ,

والله ان الكنز : ماهـو بـ.. القناعـه ,

القناعه :-عـذر مـن وقتـه يعيقـه ..

المثل هذا آسمه الاصلي : ( إشاعه ) ,

البطـا :-حسـره .. وتنيهـده وضيقـه

الله انه .. ( لا يبارك في القطاعه ) . ,

كم صبرت الصبر ..لو اني ما اطيقه ..

في رجاء صوت ٍ .. يرتبني سماعـه ,

صوتك العذب ..ومشاعـرك الرقيقـه ,

و ( طلتك ) لا يابعـد كـل الجماعـه ,

المواثـيـق :الجـديـده والعتيـقـه ..

بيننا , مثـل [ المـوّدع / والوداعـه ]

مركب ٍ جوارحـي طاقـم فريقـه )

شوفني .. فليت في بحرك / شراعـه !

شاعـرك .. طبيعتـه علـى السليـقـه

يعرف ان الحب :- طعمه في اندفاعـه

وان مالـالوصـل صـك ولا وثيقـه ,

وان ماعنده علـى الفرقـا .. مناعـه ,

التعب فـي رحلـة ايامـه / رفيقـه .,

والامل بالله , اخـوه مـن الرضاعـه ,

ضاع معك , ولا وصلك يبـل ريقـه ..

ولا اتمنى آحد ٍ يـرده / عـن ضياعـه

انـت ورد ٍ خـارج اسـوار الحديقـه

ما آحد ٍ تجرا علـى قطفـك / ذراعـه

جيـت وسلـوم القبايـل فـي حريقـه

شوفتك مكسب , وهي كـل الطماعـه !

آتمنى شوفتك لو هـي .. ( دقيقـه ) ,

خل عاد إذا آحصلت لي [ ربع ساعه ] !