وصلت المشاكل .. موضوع يهم الجميع : !

السلام عليكم ورحمة الله وبركاته
وصباح الخيــر للجميع


اول شي اهنــي ( الهلالين ) بالفوز وعقبال الكاس انشالله
واقول للنصراوين ( بخلافها تتميـزّ الاشياء ) ولولا الخساره تنخفض لذه الفوز
وبعدين اخويانا عادي خلوهم ينبسطون < برآ هع هع

- - -

البارح ّ قعدت ادور عن جديد النت ّ المهم ياطويلين الاعمار .. فيه شي قديم بس لابسن ثوب جديد

وراجع لساحه التقنيه بقوه .. واللي جزمني اتكلم عنه اني شفت موضوع لـ بحبك يالبنان عن برنامج

مسويلها مشكله او شي زي كذآ فاقلت مابدهاش خل اذكر لعل الذكري تنفع المومنين ّ : )

زمان كان فيه شي يسمونه bot هذا برنامج يصلح عشان ينفذ مهمه محدده وحده ويكررها

زي الريبوتات الي ما يتعب المعالج ويتعب اللي ينفذ عليهم ... زي مثلا لو تجيك مليون اضافه

بالمسن بلحظه وحده وتطفي جهازك من الغبن ... )

اللي جد بالموضوع انا المشاكل اللي من هالنوع تطورت وبعد سيطرت سحابه المعلومات علي

جزء كبير من النت وصارت السيرفرات تدير نفسها ذاتيا وتدير مستخدمينها بعد

صار البوت مشكله اكبر من مشكله فايروس ولاجهاز بوه برنامج مخربه .....

تخيلوآ معي السيناريو التالي ...

بزر يلعب وحصل له برنامجين بوت يحتاجون بس للي يشغلهم وبعدين يتصرفون ذاتيا

الاول يسجل عدد غير محدد من الاسامي العشوائيه ويرسل للثاني الاسامي

والثاني يرسل مواضيع وردود غير مدده ورسايل خاصه ّ ويطلب اسامي من الاول

كل ماخلصت القائمه ... والادهي لو كان كل واد منهم يقدر ينسخ نفسه ّ بعد كل دوره من عمر

البوت ... راح يستهلكون كل موراد السيرفر بوقت قصير جدآ ... وبتنتهي اللعبه ّ

ولنفرض ان الكلام هذا صار علي ايميل ولا علي شركة اتصال ولا علي خدمه حيويه ّ

والبوووت ماراح يمل ولايتعب لانه يستمد قوته من الانترنت اللي خارجه عن السيطره

لدرجه ان مواقع كبيره زي قوقل الحين واقفه متفرجه علي فوضآ التكويد ّ والهياط بعالم

البرمجه ...

انا اقول االكلام هذآ لان عصر الفيروسات تقريبا خلص وجآ وقت الاغراق وحجب الخدمه

وفوق كذآ مع قوه تطبيقات الويب الجديده ّ واللي يسمونه API صار ممكن ملف واحد

تتغذي عليه الانترنت حتي لو كل الناس تركتها ....

وش رؤيتكم للانترنت الجديده ... وهل تستحق الحمايه ولا فخار يكسر بعضه ؟

ودمتم بود