ناديت ياشمري كنك تبيه يغرق..؟؟

نفترق يعني معقوله كذا نفترق

واسري بليلن بعد لاماك ماينسري

وارجع لصحبة قلم شتفاي وياالورق

واعيش احاسيس ماتكتب ولاتنقري

الله يخليك لاهبت وحزنك طرق

خلك على الدرب زيي عاشقن عنصري

بلاش مع هالهدؤء نجيب سيرة غرق

خابرك ابو الطيب اللي مخلطه بحتري

حزين موالك الليله يجيب الارق

قم ولع الليل يابو الليل وش تحتري

صب السوالف انا الليله نويت احترق

منته بمذنب انا المذنب وانت البري

لبيه ياحكيك المعسول لو يخترق

قلبن ذبحه السهر منه السهر منبري

فقير حب وتذووق هالحياة وشرق

ومعك تعود تعود لين اصبح ثري

ماشي بطريقي ولا اعرف غيرهـ اية طرق

ماكنت انا الا ولد بالحب وهو ما دري

ناديت ياشمري كنك تبيه يغرق

واهديت له ضحكتين وضاع هالشمري

من بعد ماكان يتساقط قبالك عرق

صار يتحرفن كلام العاشقين الطري

بشر على ادني حكي فيه الغنج مسترق

شلون اجل وانت لسماعه تجي مشتري

كل ما تورد خدودك او جبينك برق

تعوذ ابليس من قلبن يجي لك جري

انا اشهد انه خلق وانا اشهد انه فرق

ياوجد حالي ويابريت حوالي بري

لو صارفي الدرب للحب العذي مفترق

شلون ابا اعيش يالبكاش يالمفتري

بنفترق والله اللي ماطرت نفترق

المذنب اللي مصدق يحسبنه بري




عقاب الربع