كذا جيتك مدجّـجّ بالألـم والخـوف والحسـرة
قبل ما أقدم أوراق الحقيقة طاحـت .. أسـراري
معي أمسي، معي يومي، معي أحلامي لبكـره !
معي جرحك من البارح عزفني وقطّـع أوتـاري
أهيم بوسط (ردهات المسا) وأنا أركـل النظـره
وتدحرج رياح الشوق و آسوق المـدى سـاري !
أسولـف للمبانـي عـن نوافـذ خانـة الفطـره
تعاكس خطوتي ، حزني ، تراود عفة أشعـاري
ضجيج الصمت يلجمني : يعاتب، يزعل، ويشره !
يلبّسنـي كفـن بعـدك ويدفنـي مــع أوزاري
يوقفني الأمل يشكي !! يقول : اليآس في عذره !
يوقفني الفرح يبكي !! يقول : الحزن هو ثـاري
وانا ابلع هالوجـوم بغيبتـك واتغصـب العبـره
وأنقـع شوفتـك ليلـه واكمّـد باللقـا نـاري !
وشت بي فرحة البارح وصاحت داخلي زفـره !
سمع شارع لقانـا موعـدي وأغتـال مشـواري
رميت الصبـح لعيونـك وسلّـم هالمسـا أمـره
وبعت النوم من عجـزي أدور للسهـر شـاري
طرق برد الشتا عمري وشباكـي فتـح صـدره
وانا ما اعرف مواجيب الدفـا وآجمـل أعـذاري
سكنّي البرد واستوطـن وعـاش بداخلـي فتـره
وانا المنفي على أحدود الشتا آصـارع أقـداري
غديت أتحطـب الذكـرى سمعتـك للدفـا نبـره
وحس البرد بوجودك وسافر منكسـر عـاري !
أحبـك قالهـا عاشـق شعلهـا وانطفـى عمـره
أحبـك والعـذر أنـي أحبـك وأقبـل أعـذاري
أنا ما قلت أحبك موت ! أنا ميّـت علـى فكـره
أو أني كنت أنا عايـش علـى حبـك ولا داري ,,,,,
ودي
العرض الشجري
