هَاتْ لا ضاقَ المكَانْ .. آنا سِنينِكْ ..

صبـآحكم نور ونقـآء ~ ومسـآئكم ليل وآمـل ~
ممآ رآآق لي.. اتمنى ان يرقى لذآقتكم ..

في غيابك ..
صارت لي عادة غريبة ..

كنت دايم بس أهوجس .. وأتمشى في سكينة .. وأسأل دْروب المدينة :

( لو يجيني .. وش يجيني ؟! ) ..

ماشي بعمري على هـ الوضع ..

من خطوة لـ خطوة .. من يهز الشوق
قلبي لين ما يفنى بـ سَطْوِهْ ..

أتسلى بالسؤال ..
وبالمدينة والدروب ،
ولا جواب ألقاه ،
لكنه تساؤل ..

ما فقدته من فقدتك .. وما تركته من تركتك .. وماعرفته قبل أَعَرْفـِـكْ ..

لكن أنت اليوم جيت

بكل ما يعني لي
إنك رحت ثم الحين جيت ..
جيت مع جية سنيني
وارتمت عينك بعيني

وابتلشت بدمعتيني
وانقهر درب المدينة يوم جابك
.. يوم شاف إني تركته ..
وانتفضت بفرحتي بك .. بقهر غْيابك
، مع إنه بعد ما وداك ، جابك ..

والتساؤل ذبت أنا فيه وسرى بك ..
باختصار ؟؟ الوضع قبلك كان عادي ..
يعني إني ، كنت دايم بس أهوجس فيك ،
بدروب المدينة ،
وأتمشى في سكينة ،

وأتسائل :

لو يجيني .. وش يجيني ؟!

لين جيت بخطوتك ،
شوقك دليلك ..
والنهار آخر رحيلك ..
والمدى طفّى فتيلك ..

جيت أهوجس ،
مثل ما هي عادتي من قبل أشوفك ..

بس فاجأني تساؤل ! ..
جا يقول بْكل حيرةْ :

وش أهوجس فيه
وأنت الحين قدامي .. وعينك وسْط عيني ؟؟!

ليتك صبرت شويْ ..
وإلا رضيت بهالمكان شويْ ..

والا تحملت وصبرت لخاطري ، يمكن يبيك بشيْ ..

يمكن يبيك بشي ..
يمكن يبي يلقى لصمته في هدوئك طيْ ..

يمكن يبي يقهر ظلامه وانهزامه ..
يمكن يبي يحرق غموضه فيك وعيون السآمة ..

يمكن يبي ينثر عليك أزكى سلامه ..
يمكن يبيك إتـّرجمْ لغيره كلامه ..
لكن ، وأنا مدري وش اللي جاك ، لكنك ، رحلت ..

وآآخ ..

ياليتك صبرت شوي ..
والا رضيت بهالمكان شوي ..

ليتك صبرت لقلبْ ودهْ لو يموتْ بْجانبينك حي ..
ليتك صبرت لعينْ ملتْ تكتم الصيحه وهي ؟؟ .. هيْ .!

ليتك صبرت لخدْ حالفْ ما يذوق مْنَ المدامع شي
ليتك صبرت لدمعْ حايْر بين قول العين: (طِحْ)
وبين قول الخد: (عَيْ)

ليتكْ ، وأنا مدري وش اللي جاك ، لكنك ، رحلتْ ..
وآآخ ياليتك صبرتْ ..
والا صبرتْ شوي ..
والا صبرتْ لخاطري .. يمكن يبيك بْشيْ ..
والا قهرْ !! ليتي سبقت الوقتْ .. والساعةْ .. وكمْ لحظةْ ..
وجيتْ قبلْ شْوي !!

هاتْ دَمْعِكْ .. هَاتْ حِزْنِكْ ..
هَاتْ صَمْتِكْ مِنْ شْفَاتِكْ ..
هَاتْ مَا شَرَّدْ سَلاتِكْ ..
هَاتْ كِلّ اللي بْوجهِكْ قَبْلْ تَبْدا بِالتفاتِكْ ..


هَاتْ لـُوعَاتَ السّنِينْ .. بْجَفْنْ عِينِكْ ..
هَاتْ هَبَّاتَ الزّمَانْ .. بْدَمْعِتِـينِكْ ..

هَاتْ وَخْزَاتْ الطّعُونْ .. بْمَنْكِبينِكْ ..
هَاتْ صِيحَاتَ الحَنِينْ .. أبغى حَنِينِكْ ..

هَاتْ لا ضاقَ المكَانْ .. آنا سِنينِكْ ..
هَاتْ تَحْتِيَّ الظـّنونْ .. اِرفعْ جِبينِكْ ..

هَاتْ هَمِّكْ .. هَاتْ مِنْ فَـكـَّرْ يـِـهِمّكْ ..
هَاتْ مِنْ حَاوَلْ يـِهـِمّكْ ..!!

هَاتْ مِنْ جَا فِي خَيَالكْ إِنـّهْ بْـ يُومْ بْـ يـِهـِمّـكْ ..
فِي حَيَاتِكْ ..

أَوْ اَقولْ .. خـَـلْ كِلْ اللي بَغِـيتـَهْ مِنـْـكْ ..
يـِسْتـُوطِنْ بْذَاتِكْ ..لِينْ مَا يَمْلا فِضاكْ وْذِكريَاتِكْ ..
ثم هاتكـ !!

خذْ راحتكْ ..
عِذْركْ معكْ ، لا تستحي ..
القلبْ قلبكْ ، والحنايا .. سَاحتكْ ..
الوقتْ .. لك ، العمرْ .. لك ،
الناسْ .. كل الناسْ .. لكْ ..

الكونْ .. لك يفرح ويستانس
.. ولو يحتاسْ .. لك ..

ما لي على الشرهَة ْ طِريقْ وْلا مِمَر ّ ..
..

يا سيّدي لا تستحي ، عذركْ معكْ ..
خذْ راحتكْ .. ماني غريبْ ..
أنا نسيمكْ .. سلسبيلكْ .. واحتكْ ..

نـَبْقـَى ولوْ عِذْركْ جِفـَا أو غـَابْ ..
أحبابْ ، في نهج الغلا سِكـَّة ْ وبَابْ ..

وإن كان صدّ الوقت بكْ ..
فالشوق بَعْضْ أَحْيَـانْ ، أَطـْعَمْ لـَهْ يطولْ ..

واسألْ عَن الغيمةْ سِمَاواتْ الفُصُولْ ..

تلقى الجوابْ بْـ نبرة ْ حْروفي يقولْ:
اجلسْ هنا والا هناكْ ..
بْراحتكْ ..
صِدّ ، اِجْفْ ، غِبْ ، رِحْ ، طـَوِّلْ ، اِبْعِدْ ، وانْشِغلْ ..
ما للخفوقْ .. إلا غلاكْ ..
وما بالعيونْ .. إلا سماكْ ..

مادامنا{ مِتـْفَاهْمِـينْ ،} وعَارْفِـينْ الوضْعْ ..
والذكرى على طولْ الثواني بَـارقةْ ..

وشّو له أسرقْ شوفتكْ ،
واللهْ حَكَمْ في شَرْعَهْ بْـ قـَطْعْ اليـِـدينْ السَّارقةْ ؟! ..

أو صــحّ أَثـَرْ سَرْقـِي بلـَيَّـا كَفّ ! ..

سرقي بالخياااااالْ !
والله وصار السرقْ حكمهْ لي حلااااااالْ ..
اهاااا أجل يلله تعاااااالْ ..
أوْ اِصْبِرْ اِصْبِرْ ، لا تـِجي ، خَلـِّك هِنَـااااااكْ ..

بْـ غِـيبتكْ ..
صِدّ بْـ غلاكْ ، اِجْفْ بْـ زمَانِكْ ، رِحْ بِـعيدْ ، اِلـْعَبْ عَليْ ،
خَلك كأنك مِنْشِغِلْ ..

وأنا بَجـِي وِاَسْرِقـْـكْ ، واَسجِنـْكْ بْـ خَفُوقيْ ..

لينْ تـَفـْهَمْ سِرّ قـَصْديْ يـُوم أَقولْ بْـ أوّل الأبياتْ
لكْ:خذ راحتكـ ..

..*}

آنتهــــى