يابـحر !!!

صباح/مساء الخير

ܔ҉ೋ يابـحر ܔ҉ೋ

مدخلــــ

دايم ...تجيني تجرحيني وتقفي...
......بالكاد تلقي متعة الجرح بالنوح
بالله وشهو الذنب ياهوووه يكفي...
...قولي فديتك وش معك فيه مصلوح
لا غبت عنك تقبلي لي وتلفي....
...وان عدت يمك تجددي فيني جروح
تدرين لي مني ذكرتك وش اخفي..
..اخفي عذابك والبس الشوق واروح
اعيش معك الحب وارتاح واطفي...
......اشواق فيني مابها غير مسموح
ودي عناقك لين ما الروح تغفي....
.....وودي فراقك عل ترجع لي الروح

يا بحــــــــر

جيتـك موادع..ولـي روحـه بـلا رده

واعود للسوده الخضراء وسد ابهـا

من بعد ما شفت غدرك يابحـر جـده

واش انتظر بعد تعذيبك.. تموج بها

جيتـك اسامـرك والأشــواق معـتـده

الشط شطـك وموجـك قـام يضربهـا

والليـل ليلـي وســري حـافـظ ســده

ارسلـت لـي المـد واسـراري تقلبهـا

وحـيـن بعـثـرت مكنـونـي مــع وده

واعطيتني عهدك انك ما تبوح بهـا

ارسلت موجك ومجلاس الغـلا هـده

والعين طوفانهـا بالجفـن حـار بهـا

وتقول للجـزر هـات السـر مـن يـده

وانا احسبك قفل والاسرار تقضبهـا

يا بحر باذكرك وش صـار مـن مـده

فرحـة لقانـا هنـا والـمـوج طاربـهـا

بنيـت يابحـر بيـت وسـور والـسـده

والقلب من حولهـا يحمـى جوانبهـا

ابنـي وتهـدم بموجـك وارجــع ارده

والموج عقب البناء يرجـع يخربهـا

تدري واش اللي بقلبي واصل حـده

كلمـة احبـك علـى شاطـيـك كاتبـهـا

ماحت وسيل العيون مغرق(ن)خـده

ياقـوّ موجـك.. وياقـسـوة تعيشبـهـا

ياهيييـه جيتـك مـوادع والألـم عـده

دفـتـر فتحـتـه.. وصفحـاتـه تقلبـهـا

خلاص ناوي على الترحال والصده

والله يعـيـن القـلـوب الـلـي تعذبـهـا

مخرجـــ

امانه... لا ذكرتيني تقولي يسعد ايامك...
..........والا ضاقت بك الدنيا في الذكرى تلاقيني

المصدر
بريدي
بقلم عموض

ودي للجميع