..{ في مهبّ الغياب .!

[ALIGN=CENTER][TABLE1="width:95%;background-color:black;border:4px double white;"][CELL="filter:;"][ALIGN=center]

؛

البارحه والغيـاب أكْثـر بيـوت القصيـد
كان القلم , يطْرق أبواب الورق والكتابـه

الرّيح تطْفي الشّموع إللي بصـدري تقيـد
والضّيق يرخْي على نور النّوافـذ حجابـه

وحدي تدلّيت , من سقف الليالـي طريـد
والبرْد يضْفي على الأفكار حـزْن وكآبـه

هذا انت واغْيابك أقسى من ضياع الوليـد
رحْت وعطيت الفرَح , حجّه تبرر غيابـه

سلّمتني في يدين الخـوف , ذابـل وحيـد
وأقْفيت عن درْبيّ المسكون صمت ورتابه

لايبعدك عن طريق الشّـوق عـذْر البليـد
دام العذر , وقتك الجايـر أبنْفـض ترابـه

هذا أنا ما قتَلني السّيف لـو هـو حديـد
الموت موت القلوب الوافيـه , والمهابـه

تعال أبلْبس لـك ثْيـاب الكـلام السّعيـد
وأطْفي فتيل الحزنْ , وانْزع بقيـة ثيابـه

قلبي عذوق النّخل , هذي الضلوع الجريـد
إجن الرّطب , المس أطراف السّعف لاتهابه

إعزف حضورك على سود القوافي نشيـد
خلّ الوفا في مسانا مثْل لـون السّحابـه





؛

ممآ رآق لـي

أتمنى أن ترتقي لذآئقتكم العذبه

[/ALIGN][/CELL][/TABLE1][/ALIGN]