![](http://th01.deviantart.com/fs18/300W/i/2007/193/e/0/Black_Silhouettes__by_GreenRay.jpg)
يسلم جبين الوقت ويسلم جبينك = وحظ ٍ يجيبك قلت يسلم جبينه
قبلك وأنا انشد نجمة الليل وينك = وأنشد مع الايام هذا الحظ وينه
واليوم أشوف إيديننا في يدينك = وأشوف حظي قام يفتح يدينه
تعال اوزع حبنا في سنينك = مادام قلبي فدوتك مع سنينه
مأشوف فوق الارض شخص ٍ وزينك = وأشوف شخصي فيك محد ٍ وزينه
عشقت فيك العسر ياعسر لينك = وأشوف درب الحب مافيه لينه
بهديك كل الحب والله يعينك = وقلبك من أشواقي عسا الله يعينه
مجنون حب وعاشق ٍ فيك زينك = وشي ٍ لمح للعين يازين زينه
يابري حالي كل ماشفت عينك = وشخص ٍ يشوفك ويل ياويل عينه
تعال عاهدني وغلظ يمينك = وقلب يحبك نذر يافي يمينه
مادام مسكاني بداخل كنينك = سكنتك بقلبي بداخل كنينه
ومادام ساد الحب بيني وبينك = حظي يسود الود بيني وبينه