حبيبي آه لو تدري عن الي بداخلي يعنيكـ
رسمت اصدق غرام وجاك لاترميه باهمالكـ
حبيبي مارحل طيفك عن الهايم ولا طاريكـ
حبيبي مااهتنى بالنوم وانت النوم يهنالكـ
حبيبي وش تبي مني من اثبات الغلا واعطيكـ
حبيبي لو تبي عمري وعمري يرخص بجالكـ
حبيبي مخفي(ن) حبي قبل لجل اكسبكـ وارضيكـ
واسلي خافقي واخفي وانا يكفيني وصالكـ
حبيبي ليه ماتكشف غطى سر الغلا بيديكـ
وابيع الروح لعيونك وتسكن قلبي لحالكـ
وانا ادري فيك كم تدري احبك يالغلا واغليكـ
وتدري ليه في قلبي رفعته فووق منزالكـ
احبك والغلا يكوي خفوق اللي تولع فيكـ
احبك ماقدرت امنع خفوقي يوم هو جالكـ
احبك من خفوق(ن) كم تعذب يالغلا يرجيكـ
احبك من خفوق ذاب وشخص من الغلا هالكـ
احبك وانت ماتدري عن اللي بداخلي وشفيكـ
وانا منهو وهبتك قلب ترضى فيه يبقالكـ
حبيبي واضح(ن) حبي ولابـينـتلي خافيكـ
ابي كلمة غلى تروي خفوق(ن) داخله شالكـ
حبيبي لو جمعت الشعر كل الشعر مايكفيكـ
حبيبي ضاع شعري وضعت قبل الشعر بخصالكـ
حبيبي اه لو جرحك يجي في خافقي واشفيكـ
حبيبي اه لو تنسى وانا اشقى فيك واشقالكـ
حبيبي اه لو تدري بقلب(ن) عذبه ماضيكـ
وهو ما عاش بـه لا كن يحس القلب با حوالكـ
حبيبي كفكف دموع(ن) تجرح مدمعك بيديكـ
حبيبي خذ فرح قلب(ن) يموت بلحضة وصالكـ
حبيبي هات حزنك لي وخذني بالفرح وافديكـ
وابي مثل البشر تفرح وابيك تكيد عذالكـ
حبيبي ماشكيت الجرح لاجل اضايقك وابكيكـ
حبيبي قلت لجل امووت واحيا فيك واحيالكـ
حبيبي باكتبك قصه ومن زود الغلا بارويكـ
وارتب قصتي لجلك وبك تزها وتزهالكـ
وتبقى قصة الهايم وهو قصة غرامه فيكـ
ويبقى معك في قلبه على حلك وترحالكـ
العضو الأكثر نشاطاً هذا اليوم 
العرض الشجري
