وش قلت نبقى أصحاب ولا حبــايب

لا قلت أحبك وطد الحب بالحــب
عشان نبقى في زمـنا حبايب

قلبي ترى ما شب قبلك ولا حب
واليوم اشوفه في محبتك ذايب

إن كان عندك يا هوى البال لي طب
داو الجروح اللي بقلبي عطايب

خل الهوى لا هب من خافقي هب
يشب من جمر المـــحبه لهايب

وخل الصداقه يا حبيبي على جنب
وخل الهوى والحـــب فينا هبايب

أدري غريبه صرت رومانســـــــي وذرب
ترى السبب قلبك ! ! عمل بي عجايب

من يوم كنا أصحاب واحساسنا عذب
أشفق عليك تقول كنـــا قرايب

وآحن لك لا غبت واقــــول يارب
رجع وليفي كل ما كان غايب

جاك الكلام اللي وسط خافقي صب
من ضامر ٍ صابه من الحـــــــب صايب

ودامك عرفت إن العشق داخلي دب
وش قلت نبقى أصحاب ولا حبــايب

إما نحب ونرتفع فوق بالحب
ولا بدون إحراج نرجع صــحايب



منقوووول