صوتٍ يسافر بي مع البحر الاحمر ,,,,
إمسامحه ياللي السموحة تعذّر
منّك قبل حتي تقولين الاعذار
من يجحد الغيمه قبل لا تنثر
يموت في صيفه و يستاهل النار
من وين ياخذني الزعل و اتكدّر
و انتي كلامك يا بعد قلبي امطار
صوتٍ يسافر بي مع البحر الاحمر
و يحضنّي الشاطي مراجيح و صغار
حبّيني اكثر صرت انا حبك اكثر
غاري مثل ماني من اشيائك اغار
كتبتلك صار الورق لونه اخضر
قريتلك صار الحكي كلّه اشعار
حبيبتي كل القصايـد تكسّر
لو جنّبت طاريك تفنى و تنهار
وجهك ايذّوب بين الاحزان سكّر
و اسمك ينادي الغيم و ايبلّ الاشجار
عمري غدى برواز وقت ايتذكّر
لا تـهـملينه يمتلي حزن و اغبار
لكن عزاي بصوتك ان جاني اكبر
من رميتي بين المسافات و الدار
خالد المسعودي ....
|