][.. خـمـره الــحــب ..][

..

أنا وأنتي في سماء العشق نجمين

نسهر إلين الصبح يشبه ثناياك

أرخي حبال الشوق وأنتي تشدِّين

وتقول لي عطني وأنا أقولك جآك

وأسقيك أنا من " خمرة الحب" كاسين

وكن الجمر وقَّادها من شفاياك

أحيان أصير الجفن وأنتي لي لعين

وأنته تنام بدخلي وكلي إغطاك

مادمت أنا لك حُب وأنتي تحبين

والله لأهدي العمر وأقول يفداكـ

تقسى علي يومين والثالث تلين

وأنا بهاليومين أطرد ورى رضاكـ

يعني على ماقيل ترضين ترضين

لا ما يليق بك الزعل في محياك

كنتي لي السكه ودرب وعناوين

من وين ما أسوق القدم تتبع خطآك

وشفتي الفرح في فم أحلى البزارين

هذا هو أحساسي اذا كنت بلقاك

وشفتي الحزن لا مر وجه الشيابين

يرسم على وجهي تعابير فرقآآكـ

وألحين شفنا وين وشف حبنا وين..!

سبحآآآن من غيَّر حنانك وقسَّآآك ـ

لحظه..! قبل لا أصد وأنتي تروحين

بأقولك شيً ولا أظن يخفآآآآكـ

تدرين شاللي يصير من قبل للحين ..؟

كل الحلوم اللي تجي ما تعدَّاكـ

هذي سواتك فيي يا كامل الزين

حتى بعز النوووم هذي سوايآآكـ

رح في أمان الدمع بفراق غالين

أسلك طريقك يا عسى الرَّب يرعآكـ



للشاع’ـر // نايف العجمي