تسهيل ياعسرات الأيام تسهيل

[align=center][table1="width:100%;background-image:url('http://www.mbc66.net/upload/upgif1/kly46806.gif');"][cell="filter:;"][align=center]

تسهيل يا عسرات الأيام تسهيل
الله يـفـرج للقـلـوب الحـيـارا
دنياك يا إبـن آدم تهـوّل تهاويـل
تعطي وتاخذ من ضلوعـك غيـارا
أزريت أعدّل فيك يا وقتـي الميـل
وأتلاااااه باسبابك تركـت الديـارا
كم واحدِ يعجبـك ناديـه بـا الليـل
ويفضحه بين الناس ضـوّ النهـارا
وكم صاحبِ شلنا عن كتوفه الشيـل
أقفـى وخلانـا يهـود ونـصـارا
وش لي جدا ياكود جـرّ المواويـل
وقصايدِ تقذف مـن الحلـق نـارا
إيـوالله أبكـي والليالـي مهابيـل
دارت ودرنـا بـه يميـن ويسـارا
إيوالله أبكي وإفرحوا يـا عواذيـل
خليت غرسي يـوم قطـف الثمـارا
الحُب والفرقـا عـذاب الرجاجيـل
لا صارت أجمل من جميـع العـذارا
لا صار من تغليه يغليك بـا الحيـل
وحل الفراق وجاير الوقـت جـارا
شوفه عليك أبعد من الجدي لسهيل
رايك مصـادر فيـه مالـك قـرارا
يلومني خبلِ مثـل غـارب الفيـل
ما يفـرق ردوف المهـا والحمـارا
لا جاه ضيفـه حـطّ كيـكِ بمنديـل
وتلقـا دلالـه ناقصـات البـهـارا
يا مزنـةِ غـرّا وبـرق ومخاييـل
تمطر على راسِ بـه الفكـر حـارا
ياما جرى لي في حياتـي غرابيـل
تشيب لـه روس العيـال الصغـارا
خالي عليه بعيد الأضحـى هماليـل
بيدي دفنتـه فـي ديـار السـدارا
يا تربة الغاليـن ألا يامـلاّ السيـل
أمرِ مـن المعبـود للعبـد صـارا
يا راكب إللي ينتـل الخـط تنتيـل
من عند وادي جوّ كا الطيـر طـارا
قضّ المزفلت مع جنوبـي تخاييـل
وسنّد شمال الجوف من عند قـارا
يلفي علـى قـومِ كبـار الفناجيـل
كـلّ المراجـل مـن نباهـم تغـارا
لا جيتهم وصّل سلامـي مراسيـل
وإشرح ظروفي كل مـا جيـت دارا
لـو ندّنـا المسيـار والا التعاليـل
جينا ولـو فيهـا جمـارك مطـارا
ميّر البلا شوفـة رجـالِ مشاكيـل
له شرهـةِ والحـق مابـه مـدارا
يـا إللـي ترتّـل آيـة الله ترتيـل
إطلـب لنـا الله سـر والا جهـارا
وش هقوتك يا شيخ في غادي الخيل
هو به رجـا والا دفنـه الغبـارا !
إقضب يدي يا شيخ ماعاد بي حيـل
وخلّن بجنبك في صفـوف الفقـارا

للشاعر : سطام الشمري
أول مانقلته اناملي

اخوكم/مزيون شمر

[/align][/cell][/table1][/align]