بدوووي اول مره يحضر مباراه!!

بدوي في حياته ماشاف مباراة كرة القدم لكنه دوم يسمع عنها وسمع انه فيه مباراه قال بروح اشوفها ،

المهم على حظه راح مباراة الهلال والنصر دخل الاستاد شاف ناس وحشرة , ويحسب انه داخل عرس , المهم دخل على الشوط الثاني سمع الجماهير تصارخ العب حق هذا والعب حق هذا قال ف نفسه بشجع مثلهم ,

هم موب احسن مني وجلس يتحرى الفرصة، يوم انكسر لاعب من فريق الهلال الحكم عطا كرت أصفر حق لاعب النصر، واحد من الجماهير يقول ليش عطاه كرت أصفر وقعد يصارخ..

البدوي قاله: ماعطاه كرت أصفر.
المشجع: وش تقول انته ماتشوفه عطاه.
البدوي: ياخي ماعطاه.
المشجع: وش فيك ماتشوف انته عطاه كرت أصفر.

البدوي: ياخي انت أحول ماتشوف أول مرة تشوف مباراة على ما اظن.
المشجع: انا ولا انته الأحول وبعدين ماشفته يوم عطاه كرت أصفر.
البدوي: يا ولد الحلال اقولك ما عطاه والله ما عطاه أنا شفته والله وراه إياه ورده مرة ثانية في مخباه ليش تقول عطاه !!