بشويش حبيبي ..

بشويش .. الشمعه من انفاسك اخاف تطفي ..

قرب حبيبي .. لاتخاف .. بس انا وانت وشمعه ووردة ..

بشويش .. اهمس لي واهمس لك بهدوء ..

غن لي .. بصوتك العذب اطربني بس بهدوء ..

وانا بتأمل في ذيك العيون ..

صامت ولا همس ولا شي ,,

بس ابتسم وعيوني تناظر بك ..

هدوء .. ونسمه هواء تداعب شعرك ..

وانت تغني معزوفتك مو مهتم ..

الجو خافت .. وإضائته تحتوينا بهمسنا ..

عشاق .. وان تلاقينا برضو عشاق ..

وانت تسامرنا نبقى على حبنا وعشقنا ..

وابقى احبك مهما صار احبك واحبك واحبك ..

تدري حبيبي ..

كنت اضن راح امل منك .. أو أتشبع من شوفك وضحكك ..

بس كل ما أبعد اقرب اكثر واكثر ..

كل ما أقول راح يجي يوم وأمل .. القي نفسي همت فيك ..

ياطول ساعتي وانا مو معك .. وتروح بسرعه لالقيتك ..

كنت اسمع بالحب .. وقلت فتره وتعدي ..

بس عرفت اني مغرم وعاشق من عرفتك ..

وعرفت ان وقتي كله انت ..

وعرفت ان شغلي الشاغل انت ..

وعرفت اني حبيت ووقعت في فخ الحب والسعاده معك ..

ايه واقولها بصوت عالي .. احبك وربي احبك ..

فديتك وفديت هالإبتسامه .. لاتخجل ولاتستحي ..

ولاتحرك خصلة من شعرك تدور عذر ..

ايه احبك مهما كنت قريب او بعيد مني .. ابقى مجنونكـ ..

بشويش حبيبي ..

حبيبي الشمعه بدت تطفي ..

أعتقد الوقت سرقنا ..

يالله قوم .. / تصبح على خير ..

على وين .. ؟

ولانسيت اننا لوحدنا ..

بس ربي فوقنا .. وماحلاك ومحلا رضا ربي عليك ..

عشوق