| | قهويتني " بخلك " و قهويتـك الهيل | |

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

هذي سنة عدّت ... و عدّت .. غرابيل ..!
أشعلت لك " شمعة حياتي " و جايب ..



حزن و هموم . و جرح .. و دموع منديل !
و " باقة حزن " و الكرت في أسم " غاايب " ..!


مغلّفة من دمع ... و المحتوى ( ويل ) .!
فيها كلام ٍ يجعـل الدمع " ذايــب "


أشعلت بغيابك عيوني قـنـاديـل
و هبّت على صـدري جميع الهبايـب


و في غيبتك " شايب " أكل همّـه الليـل
و في غيبتك طفـل ٍ سكن فيـه " شايـب "



و في غيبتك أسهر مـع الجدي و سهيـل
أسامر نجـوم السـماء .. و السحايـب



أزعلت مـن شانك رجـال ٍ حلاحـيـل !
و أزعلت مـن شانك جمـيـع القرايـب



كفرت بك ( حزن و مواجع و تذليل ) !
و رجعت لك مع " مورق الحب " تايـب


جيتك .. و حظّي خايب .. و حبّك يخيل ..!
لكن رجعت .. و يرجـع الحظّ خايـب


( الليل و البيداء و الثالث الخيـل )
حزني و همّي و السهر لي حباااااايـب


أشيل جرح .. و ترجع تحطّ .. و أشيل !
و أشيل .. و أنت تحطّ .. و الجرح .. عايب



قهويتني " بخلك " و قهويتـك الهيل!
و هـذا أنا مازلت .. / مازلت ذاااايـب ..!


" كل عام و أنت بْخْيلْ " يا صاحبي حييييـل !
و كل عام و غيابك يجيـب المصايـب


و كل عام .. و دموعي تجي كنّها سيـل
و كل عام .. و عيوني تشوف العجايب ..!



هذي سنة .. عدّت .. و لكن ( غراااابيـل) !
وشلون تحلى ؟ وأنـت مازلـت غايب ؟




لشاعرهآ / سامي الشمري


أتمنى ترتقي لذآئقتكم
[/ALIGN][/CELL][/TABLE1][/ALIGN]