| | تعال أرجوك ياللي من بَعَد وصْـلك قفلت الباب | |

[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]

تعال أرجوك ياللي من بَعَد وصْـلك قفلت الباب
على احساسي وخلّيت المدى سجني وسجاني
غديت من الفراق اللي زرع بجدار قلبي ناب
رهين غْواية الهوجاس لا باقي ولا فـــاني
أدوّرْك بزوايا الصمت والمنقار والمخـــلاب
تماعطني وتنشد عن غيابك سر كــتماني
تحاصرني جوارح غيبتك في داخل السرداب
وأهِجّ أبواب فكري وارجع احلم فيك من ثاني
مظاريف الرسايل والرسايل يا بَعَد من غــاب
احمّلها سلامي واشتكي لك منك حرماني
وش أخبارك؟ عساك بخير؟ قل لي يا ابعد الأقراب .
أحلّفك الولي ماهزّك التحنان لاغصاني؟
أنا من غبت يا قيثارتي كنّي قريص الـــداب
غدا لحني حزين وونّتي تطغى على ألحاني
فلاني ناسي ٍ عذب الكلام ولحنك الجذاب
ولاني قادر ٍ سلواك يا لولي ومـــرجاني
تمنيتك كثير ولا لقيتك، لين دمــــعي ذاب
على باب انتظارك وانهدمْت وطاحت أركــاني
(مصير الحي يتلاقى ).. حكي ! ياخيبة اللي خاب
وأنا الحي القتيل ولا انت عارف وين تلقاني
تعال أرجع تراني منتظر في عالي المرقاب
أهيجن وانقش كفوف الرجوم بدم شريانـــي
اسلّي خاطري في ذكرياتك واستعيد كتاب
حكايتنا الغريبة وازرع سطوره بوجـــداني
حبيبي لا تسميني سوى الدجال والكذاب
إذا في يوم حسسك الزمان ببرد نسياني






أتمنى ترتقي لذآئقتكم

[/ALIGN][/CELL][/TABLE1][/ALIGN]