كيك آلتمـــر

هذه طريقة كيك التمر اللي طلبتها ( جودي )

المقادير :
بيضتين
رشة فانيلا
نصف كوب سكر بودرة
نصف كوب زيت
كوب ماء حار
كوب تمر
كوب طحين (يفضل الطحين كويتي)
ملعقة كبيرةبيكنج باودر
ربع ملعقة صغيرة من القرفة البودرة
رشة ملح

الطريقة :
تحطي التمر في وعاء صغير وتصبي فوقه الماء الساخن
وتخليه نص ساعة وبالخلاط تخفقي البيض مع الفانيلا
بعدين تضيفي السكر وتستمري بالخفق ثم الزيت
وتستمري نخفق ثم تضيفي خليط التمر والماء وتخلطي
تنخلي المقادير الناشفه كلها مع بعض وتصبي الخليط
اللي بالخلاط فوقها وتخلطيها على اقل سرعة اذا
كان بخلاط الكيك او ممكن بمضرب يدوي
وتصبي المزيج في صينية مدهونة بالزيت ومرشوشة بالطحين
وتدخليها في فرن متوسط الحرارة لمدة نص ساعة تقريبا
وبعد ماتخلص وتبرد تحطين على الوجه طبقة من توفي القهوة والجوز

طريقة التوفي:
3 فناجيل سكر تذوب عالنار مع ملعقه صغيرة زبده
وبمجرد مايذوب السكر ويصير لونه ذهبي
تضيفين له علبة قشطة دافئه
(طلعيها من علبتها وسخنيها بالمكرويف)
وحركي بسرعه لين توصلين للون والقوام اللي تبينه وخلاص
طبعا لو تبينها كب كيك حطي الخليط بصينية الكب
ودخليها الفرن ولو تبينها قطعة وحدة حطيها بصينية وحدة

ملاحظة /
علشان يطلع معك التوفي حلو وآملس مافيه تكتلات وقطع
بعد ماتخلصين التوفي وهو على الناروقبل ماتحطين القشطة
آخذي القشطة وفرغيها بصحن ودفيها بالميكرويف
وبعدها حطيها على التوفي ..

وآلف صحة وهنآء على قلوبكم