اعراض ماقبل العوده للدوام .بيوم... حاله استنفار تام..!!

كل عام وانتم بخير ومن العايدين بعد الزحمة
طبعا قربت الدوامات والمدارس والقروشه بانواعها
لكن اللي يبي يصير قبل الدوام بيووم كوم ثاني
وكل واحد منكم يمر فيه او على الاقل شايف ناس يبون يمرون فيه بدون ترد
يعني فيكم فيكم
نشوف الحين ونبي نبدأ باخواننا المدنيين اثابهم الله



ماقبل الدوام المدني (للمدنيين)

1- مايجيك النوم وتروح مواصل .. واحسن واحد اللي يرقد نص ساعه


2- حاله من الارتباك اللي على عماها بس مجرد قروشه

3- يمر يسلم على عامل المغسله لاعادة العلاقه مع التسليك والوعد بتسديد ماقبل رمضان(خاصه للعزابيه )


4-الالتفات يمين ويسار بسرعه فائقه ..!! مع اغماض العيون لاعادة وتنشيط الذاكره ومسح ماتم تخزينه من مسلسلات وحذف صور سفرة الافطار وانزال صورة باب الاداره او باب مكتب المدير طال عمره ودفتر التوقيع


5-تخزين اعذار جاهزه للفركه الساعه 11 ونص من الدوام
موعد مستشفى - الصناعيه واصلاح السياره - او اي بزر عليه حراره لو ولد الجيران عادي ... الجار للجار ..!!!
مع اختراع اعذار حسب الزمان والمكان
يعني لو كان وقت مطر مافيها كلام اكيد يقول بيتنا حاصره السيل ابي اروح اخذ اهلي ..!!!
اذا وقت عجاج بيتهم طار ويبي يدور اهله..!!هههههه


بالنسبه للعسكر

1- استنفار تام للبحث عن البدله ..!!! والبساطير اعزكم الله

2-اعادة العلاقه ولو بالواسطه مع محطة البنزين والمغسله والحلاق والبقاله مع الوعد بتسديد ماقبل الاجازه

3-اعادة الاتصال والمعايده مع كبار المسؤلين مع شوية هياط مستحب لكسب وده بالدوام وبعدين الله لا يرده هههههههه!!!!(نفاق رسمي )

4- متابعة اخبار الوفيات بديرتهم وتجهيز الاحزان والبكاء على المتوفي لكسب اجازه اضطراريه حتى لو المتوفي بنغالي يبي يسرق كيبل وتفاهم معه الكهرب وخلاه من صيد امس..!!


5-تجهيز عذر فاخر لاخر دوام في رمضان لانه فرك لها تحت سيطرة الشوق لاي شي لو للمزرعه والاستراحه


" خاص بالنساء " (المعلمات )

1- الاغراض حوسه وحاله من القروشه ولا تدري وش تبي .!!!

2-من الفجر تسمكر بعمرها وتعديل ..بالخشه وازالة مايمكن ازالته من شخاميط العيد ..!!!

3- تستنكر الشمس والنور بشده .. وتجلس ساعه مغمض ويالله تفتح(شهر ماشافت الشمس)

4-الشتم والتوبيخ للشغاله واتهامها بانها السبب في تدني مستوى المعيشه لها والتبذير لانها راح تشتري عبياه جديده ولو انها تشتغل بذمه كان ماضاعت عباية الدوام ..!!! لان اللي عليها الحين عبايه يبلها عبيايه (مخصره ومطرزه تطريز فاخر )

5-اعادة هيكله كامله للاقتصاد واعتماد بند اجار الباص من راتب شوال (الله يعينكم)


6-احساس بالندم واللوم لانها مارتبت اغراضها بدري ..!!! مع حاله تردد واقناع للذات بانها ليست الوحيده اللي صاير لها كذا ..!!! كل الشعب



اعراض اليوم الدراسي

1- تمسك خط بالسلام ووشلونكم وعساكم طيبين ..

الاولاد البوسات عندهم مقننه لاتتجاوز ثلاث .. الحريم مفتوح .. يعني يأذن الظهر ماخلصت
2- يصكك راسك من الازعاج وكثر القرقره

3- احساس بالجوع .. وانت مسوي فيها مؤدب واخلاق وماتبي تلتهم بشراهه من اول يوم .. او حتى تعبر عن جوعك وعصافير بطنك اللي مسويه مظاهره غير سلميه

4- "
اعراض جانبيه
ألم في الكعب واسفل القدم << للجامعيين والجامعيات اللي متعودين على الرباده وقل المشي


اعراض اول يوم بعد الدوام

1- دوخه وغثيان ورغبه في النوم العمييييييييق

2- تجي البيت تاكل الغدا من القدر وهو على الفرن .. ماتتحمل تنتظر لين ينكبونه ويحطون السفره

3- صداع نصفي وأرق وتقلب بالفراش ساعه وقت ضايع

4-استرجاع الاحداث اللي مرت فيك اليوم..
شي يضحك وشي يفشل جبت فيه العيد وشي ماله سنع بس من الفضاوه تسترجعه

5- تقوم تالي الليل والناس نايمه .. والمحلات صكت
.. والمكتبات تقول ماحنا محترينك لين تجي تاخذ اغراضك
6- تروح لاقرب مطعم < الشباب
البنات .. التلفون تطلب من المطعم

تطفح المقسوم بشراهه .. وتجي للنت او التلفزيون .. والمثالي اللي يجهز اغراض بكره .. تحس ان عندك اشغال كثيره وانت ماعندك ماعند جدتي ..

7- "اسوأ الاعراض "
اكتئاب حاد وضيقة صدر وضيق في التنفس ..مع احساس بالدلاخه المفرطه وعدم التركيز

ولسان حالك : " الله يعين بعد بكره دوام " << كثير يفكرون يفصلون او يعتذرون

__________________________________


_ تعالو


اعلمكم عن رجال شهد لهم التاريخ ,,

1 : الملك عبدالله محبوب عند شعوب العالم

2 : الشيخ محمد بناء اطول برج في العالم

3 : هتلر كان يتمنى بأن يحكم العالم

4 : صدام الرجل الذي أعدم امام العالم

5 : بن تيمور كان يفرض شخصيته على العالم

6 : بن لادن : الرجل الذي تخاف منه أمريكا

7 : جيفاره كان يحب ويدافع عن دين الإسلام

8 : صلاح الدين الأيوبي الرجل الذي حرر فلسطين

9 : ( وأنت ) ووجهك ماسويت شي بس تقرأ