نارالبحروعلي القحطاني(محاورة)

هذه محاورة قديمة بيني وبين الشاعر/علي حاسن القحطاني,وهو شاعر محاورة كبير تشرفت باللعب معه أحببت نقلها لكم:

نار البحر:
هلا يامرحبا ياشاعر(ن)شرف وأنار الدار_أنار الدار والدارانشرح صدره فرح لأجله

نبا نأخذ معك طاروق يادكـــتور للشعار=ومنكم مايجـــــيء زلة ومنا مايجــــيء زلة







علي حاسن:
يدوم ابك البقى ياحرمن تركة رجال احرار=وانا واياك نمشي في طريق الوصل وندله

لك الله مايجي مناالخطاء واحنا رجال كبار=نميز عدلها من مــــيــلهاونداوي الــــعله

نارالبحر:
عسى الله يكفي الطيب ليا مدوا له الأشرار=ومثلك ياعلي معروف في الغيبة وفي الحلة


رسالتكم في الجوال لكن وضح الأحبار=وأنا عارفك ماتمشي بعكس الدين والملة

علي حاسن:
اضنك تبني الفكره على اللي بعالم التذكار=وهذي فكرة الثاني وهذي فكرعبدالله

ولكن ودي اقفل باب واسمرك بالمسمار=على شان اللعانه ماتسوقها لخلق الله

نارالبحر:
أشوفك ياعلي ودك تــــــنط بعالي الأســــــوار=ترانا بأول الأيـــــام والجايات مو سهلة

تقفل باب وإنت اللي سمعت إنك مريض الزار=معي المفتاح وأنا اللي أحدد ساعة القفلة

علي حاسن:
تراها روحت من عندكم وانتم على الفخار=كبيره بحقكم ياقوم منتم من هل الذله

تحالفتم مع الانصارلكن خنــــــتم الانصار=ولكن ودي انك تنــــــتبه وتقند الدله

نارالبحر:
تجيب أهداف لكن يرجع العداد للأصفار=غشيم القوم يتقدم ولكن جاه من تله

أشوفك ياعلي منحاس ودك تدخل الدوار=وقدامك مطبات(ن)وسيفك خائف تسله

علي حاسن:
يقولون العرب لاتتبع الشاعر ولاالصقار=ترى من يتبع الاثنين يلقى الدارمحتله

وانا ماودي انك تبتلي في لعبة المزمار=ترى المزمار يبغالك تصاحب قائد الشله

نارالبحر:
سواليف العرب ماهي كلام الخالق الجبار=وأنا ياصاحبي عارف طريق الكنز والغلة

أبوعنتر بغى يمزح مع صاحبه أبوالغوار=نطله بحفرة(ن)ياشينها ياصاحبي نطلة

علي حاسن:
لكن الطيبه تاجي قوي العزم والاصرار=وانا اشوفك ضعيف اعزوم والمعنى غدى كله

ولكن ودي ادلك على ملعب عيال صغار=تعلم لعبه الاطفال واللي تمسكه شله

نارالبحر:
أنا كنت أحسبك رجعي ولكنك من الثوار=تثور بصاحبك وتكسِرالصحبة مع الخلة

خلاص إنته كبير القوم وإنته شاطرالشطار=ولكن ياطويل العمر فرضك قوم له صله

علي حاسن:
انا مانا على ماقلت ياللي تحزر الحزار=ولكن كلن يشاهد عباد الله على مله

انا ودي انشدك وين انت والمعنى غدى ونهار=فقدت السبحه اللي في يمينك وانت مقبل له

نارالبحر:
يابوحاسن تشرفنا بكم وإنته من الأخيار=ولغزك ماعرفنا ياطويل العمر وش حله

أبا منك العذر باطلع طرألي ياعلي مشوار=وأنا أشهد ياعلي إنك طيب(ن)وغالي العملة

علي حاسن:
فمان الله يللي ناوي المرواح والمسيار=وانا والله بعد عندي سفر ورويحتي قله

تشرفنا بشوفتكم ولاتزعل ولاتحتار=لك الله يالغلا ليزيد مايشكي من القله

آمل أن تنال رضاكم