يقولـون البدو"شبّـع ذخايـر بندقـك لاثــار

[align=center][table1="width:100%;background-color:black;"][cell="filter:;"][align=center]

علامك يالقصيد اللي وسط صدر الهموم أحتـار
............. علامك ماتبي تكتب على بيـض الـورق همّـي
انا ماني على العاده ابي حب.. وغزل.. واسـرار
............. انـا ودّي مـع حروفـك تقـوم وتتّجـه يمّـي
بأوضح فيك مايخفى على العالـم وانـا منهـار
.............. جريح الوقت والهاجوس فـي شاعـرك ملتمّـي
وش الحيله ليا صارت حياتي فـي رجـا غـدّار
............... وش الحيله وانا صدري وسيع وضااااق من غمّي
خطاي اني تعشمت الرجوله في وجيـه صغـار
................ وسط درب الضما أضما بعد مااسقيتهـم جمّـي
عطيـت ولا لقيـت الا يديـنٍ شحهـا مــدرار
................ وانا مثل النهر يروى اليتامى من طـرف يمّـي
طعنّي بالحشا شخصٍ حشمته حشمتـي للجـار
................ حشاااا لاوالله الا حشمتي لاقـرب بنـي عمّـي
رفعته للفخر لكـن علـى درب الفخـر ماسـار
................ بعد خوّة زمن شفته يشـوف ان الفخـر ذمّـي
تعاون والزمن ضدّي وسط سود الليالـي جـار
................ حسدني لعنبو حيّه علـى عيـشٍ وسـط فمّـي
يقولـون البدو"شبّـع ذخايـر بندقـك لاثــار
................ واناللي بندقي شبعت قبل ماتثـور "مـن دمّـي"
ذكرت الله سبحانـه وانـا حايـر بعـد ماصـار
................. عضيدي بالزمن هذا يغيظـه كسـري وضمّـي
حسدني في هواا بنتٍ سقتني في حشـاي امـرار
................. سقتني يومهـا نالـت كرامـة قولتـي: سمّـي
وتراها كلمةٍ ماهي على لسانـي تجـي تكـرار
................ ابد ماقلتهـا لاحـدٍ سواهـا مـن بعـد (أمّـي)
بعد قفّت وانا قلبـي تعـذّب مـن لهيـب النـار
................ تقول ان خافقي فوقه غليـظ الصـاج لا حمّـي
تبي تنسى وانا بأنسى غـرامٍ فـي خفوقـي دار
................. تبي تبعد وانا بأرفـع عـن دروب الغـلا كمّـي

الشاعر: عبدالعزيز الدهمشي
[/align][/cell][/table1][/align]