كنت اهوجس بك حبيبي طول ليلي للفجـر!
لوصدمني يوم قلبك هل تجي الصدمه حنونه!؟
صدمتي فيك يا حبيبي غير صدمات البشر
صدمة اللي شاف روحه مع عدوينه تخونه
صدمة اللي كان يمشي وطاح[عمره]وانكسـر
مانتبه له يوم يسقط بس شافـه فـي عيونـه !
صدمة اللي راح جسمه بين حرفـه والحبـر
واحترق دفتر حياته وماستطاعـو يسعفونـه!
وصدمة اللي في حياته ماعرف طعم القهـر
اغدروبه واهجروه وقضّى عمـره بالمهونـه
صدمة اللي كل عمره مارضى بغير القصـر
وانتهى زي الفقير ولا عرف يطلب معونـه!
صدمة اللي كان صوته ابوسط قومـه امـر
وقام قومه ولطموه ثم تلاشـى فـي سكونـه!
صدمة اعمى عاش وقته يرتجي نعمة بصـر
وبعدما ابصر في عيونه مالقى اللي يحترونه!
صدمة -الطفل البريء-يوم يدفن فـي قبـر
ادفنو معـه [الحقيقه]قبـل لا يفتـح جفونـه!
مخرجـ ..
كنت اسولف بك واهوجس وكل هذا بالفجـر
ليتني مايوم اهوجس باللي نظراتـه حنونـه!
باللي ذوبنـي غـلاه وابتـدى فيـه العمـر
واللي واعدني بربه يحفظالقلـب ويصونـه!
اللي حرفي لجل روحه ينهمـر زي المطـر
لجل يروي ارض قلبه وتفرح بشمه عيونـه!
واللي روحي من وفاه يشتعـل فيهـا فخـر
ماتطفيه المسافه وعْجز كـل النـاس دونـه!
واللي لوشان الزمان صارلي بروحـه ذخـر
تزهر بدنياي روحه بعدما فاضـت مزونـه!
واللي والله لـو طلبنـي ماتغاليـت العمـر!
كل غالي لجل عينه يرخص وتنزل وزونـه!
العضو الأكثر نشاطاً هذا اليوم 
العرض الشجري
