طرى هاتفٍ قالوا يكملك من بيروت
وقمت اتفكر قلت من متصل فيني
بعيدٍ عن الحروه ولكن عرفت الصوت
أعرف النبا لو هو بعيدٍ يحاكيني
وهو لو يكلم واحدٍ في فراش الموت
تنهض وقال اليوم ربي معافيني
ولو ايتكلم فوق صم الصفا المنحوت
بقت بالصفا ذكراه لو تأخذ سنيني
عطاه الله الحكمه بهرجه وحلو الصوت
ومن حكمته يميتني ثم يحييني
ابو ذبلٍ لا هي بعاجٍ ولا ياقوت
يا عيني علي ذيك الثنيات يا عيني
عطيته مجال لفرصته لين فات الفوت
وضاعت عليّ الفرصة اللي يمنيني
انا اعيش في ذكراه حتي بليا قوت
تصير الصحاري في عيوني بساتيني
يذكّرني ايامٍ مضت يوم انا بالكوت
وذاك القصير اللي تجيه المزاييني
للشاعر المرحوم سليمان الهويدي