تركتيني على ذمة مدينة ما بهلها خير

عرفتك و الشجر يحكي سواليف المطـر للطيـر
فقدتك .. و الشجر يرخي غصونه و الضما يكرب

رحلتي و العمر صار السواني .. و الأماني بيـر
يجالدها تعب شهـب السنيـن و منَّهـا يشـرب





تركتيني علـى ذمَّـة مدينـة مـا بهَلْهَـا خيـر
مدينة تشبه إلْ وقت ٍ فهق عن وجهي المهـرب





لك الله من تفارقنا بها .. صارت غريبة .. ميـر
غرابتها تهون إلْيا عرفـت إن الفـراق أغـرب





تعبت احيا بها ( ميِّت ) تعبت آقف بها و آسيـر
وانا في صدري سم أعظم من اللي تنقله عقرب





تمدَّ الخوف قدَّامـي واذا عنْـه انحرفـت إتثيـر
حزن أبعد من جْنون الغياب بْداخلي .. و أقـرب





كثير أجهـل مسالكهـا وتجهلنـي دروب كْثيـر
وكثير أمشي بْمساربها وأنا معرِف لها مسّـرب





أمرّ وْجيه و اتهجَّى بهـا ظلـم امتـداده غيـر
و امرَ وجيه و اتهجَّى بها حقد لْزمـان أجـرب





مشيت بْوسطهاشاعـر يغنِّـي ضيقتـه للغيـر
عذابه يلحقه .. لكن تماسك واستحـى يهـرب
.
.

مما راق لي اتمنى يرتقي لسمو ذائقتكم
كنت هنآآ آآ
همس القوافي..