السلام عليكم ورحمة الله وبركاته
تمر لحظة سعاده ودي أفرحـــــــــــــها..........
..........بس المسافه ما بين الحزن عَمْــــرَانه
أجمع بقايا الفرح بـ ايديّ واطــــــرحها..........
..........ما عاد تقوى يديني حمل جـــــــــــثمانه
ماتت وربي _وحزني في مـــــــلامحها_..........
..........الفرحه الي على إيديك طـــــــــــــربانه
أقفل على ذكرياتي معك وافــــــــــتحها..........
..........وابكي ودمعي يواجهني بـ خـــــــــذلانه
كتبت فيك القصايد وارجع امســــــحها..........
..........لأن القصايد وربي حيل خجــــــــــــلانه
وشلون ابـ ارثيك بـ أبياتي واصــــلّحها..........
..........واكتب قصيدي واقوّم عندك أركــــــانه
وشلون أبلّغ أحاسيسي وأصــــــارحها..........
..........أو كيف اعزي فؤادي بـ موت وجـدانه
يا ابوي ليتك بـ عافيتك توَشـــــــــــحها..........
..........وأنا فداً لك من الحفره وتــــــــــــربانه
إحساس فقدك على روحي يجــــــرّحها..........
..........ما كنها إلا توّقد بين نيـــــــــــــــــــرانه
أمست على جرحها والهم صبّـــــــحها..........
..........صاير لها في رفوف احزاننا خـــــــــانه
يا ابوي عز الله إن ما ودي أكســـــحها..........
..........لكن وربي بعَد عينيك منهــــــــــــــــانه
من اول العمر دمعاتي تمســــــــــــحّها..........
..........واليوم مِنها عَن الخدين رويـــــــــــانه
ودي اتطمن على من كنت تنصــــــحها..........
..........نصايحك في خفوقي ونبض شـــــريانه
.....................................................
.....................................................
.....................................................
.....................................................
مكانته أكبر من إني أوضـــــــــــــــــحها..........
..........وشانه عظيمٍ وقدره غالي أثمــــــــــــانه
ومشاعر الحزن أعجز ما أقدر أشرحها..........
..........وتعجز حروفي عن إظهاره وتبيـــــــــانه
الحل تبقى حبيسه فيّ واكبــــــــــــــــحها..........
..........وتصير ما بين قلبي وبين ضلعـــــــــــانه
خسرانه وراس مالي _وودي اربــــحها_..........
..........دعوه وحيده على أحلام ذبــــــــــــــــلانه
يا رب تغفر ذنوب له وتدمـــــــــــــــــحها..........
..........والله يسكنك يا أغلى الناس فـ جــــــنانه
اعجاب
ومنقوله
العرض الشجري
