من حكم الشعر الشعبي
*قال الشريف بركات ينصح ابنه مالك
الحر مثلك يستحي يصحب الديك
وان صاحبه عاعا معاعاة الأدياك
ماأخطاك ماصابك ولوكان راميك
والي يصيبك لوتوقيت مااخطاك
*ويقول الشريف بركات ايضا :
واليانويت احذر تعلم بطاريك
كم واحد تبغى به العرف وأغواك
*ويقول ايضا اعني الشريف بركات
واحذر طرد المقفي حذاريك
عليك بالمقبل وترك اللي تعداك
*ويقول الشريف محمد بن عون
لاتعترض امر القدر في جدالك
ولاتحسب ان اللي مصيبك بيخطيك
*ويقول بديوي الوقداني
الحر دايم يحترك بالإشارة
يفز مثل الزند لى قدح بارود
رجال يسوى له ثمانين حارة
ورجال ماسوى ولاعظم عجرود
ترى الردي لوتضربه بالحجارة
ولا مطارق شوك وسلاح محدود
جنبه متين ولايخاف المعارة
ولايعرف البيضاء ولايعرف السود
*ويقول الشاعر مطلق الثبيتي
الكذب يعرف بين الأجواد زيفه
والصدق مثل السيف صاطي وحشاش
*ويقول الشاعر عبدالله بن محمد القاضي
لاخير باللي مايصدق مقاله
فعل بحالات(ن )قصيرات وطوال
ومن هاش حاز المرجله والشكاله
ومن ذل ذل وكل من حال يغتال
ومن جاد ساد ومن شح بحلاله
ماأدرك مرام ولا صعد مصعد عال
والصاحب الصافي تحمل خماله
يلزمك والا الضد حده على الجال
واصحى ترى طرد المقفي عذاله
يتعبك والمقبل عطه وجه واقبال
ويقول الشاعر عبدالله بن حمود بن سبيل
الى عزمت فحط للرجل مرقاة
من خوف يدري بك حسود وبادي
ولاتاخذ الدنيا خراص وهفوات
يقطعك من نقل الصميل البرادي
قراءة ممتعة
العضو الأكثر نشاطاً هذا اليوم 
العرض العادي
