[ALIGN=CENTER][TABLE1="width:95%;background-color:black;"][CELL="filter:;"][ALIGN=right]
[
تخيل انك سكنت بقلبي لحالك
وانك تمشي على روضه وغدرانه
وانك ملكته وعاش القلب بظلالك
راعي محل تربع وسط وجدانه
تخيل ان الخزامى فيه يبرالك
في خطوة فاح يشمومه وريحانه
وتخيل الحب تنزل له وهو يرقالك
كنه حفيدك وكنك جد جدانه
الحب طالك وكل الشوق ماطالك
والقلب يرجح بكل الشوق ميزانه
تخيل اكبر من اللي جاء على بالك
ارحل بفكرك بكل اشكال وألوانه
انت الغلا لايطول بحبي جدالك
جيتك سحاب يزف بصمت هتانه
تقبل معك فرحتي ياحلو باقبالك
وان غبت يستسلم الخفاق لا حزانه
لا لا تخيل اكيد القلب منزالك
واكيد لك سالفه تنبض بها اركانه
للشاعر محمد البراهيم
[/ALIGN][/CELL][/TABLE1][/ALIGN]