فراق ليله
.
.
الفجر يبكي نـور والغيـم منديـل
والشمس تتنهد على فـراق ليلـة !
والزهر يشكي من جفا نسمته حيل
حتى الحمام احتار ( وينـه هديلـه ؟ )
والليل غنّى ، والقمر قال : يا ليـل
بالله أبقطف من ظلامـك : خميلـة
تتورد بـ كف النهر لي : مواويل
واهدي قصيدة حب وأدري قليلـة
.
.
بـآعلم النسمـات : فـن التعاليـل
والشمع شوقي ما كفاه .. ويسيله !
تمشي لي امطار الوله دربها : سيل
خطواتها توطى الوهـم ، ما تشيلـه
ينبت بـ أثرها : حلم ، لا جيته يميـل
وتقول كنّي بـ استحثـه رحيلـه !!
يركد ، لو إنه حس هز : الخلاخيـل
في ساق باكر ، والأماني : جميلـة
يتوارث الدمعات : جيـلٍ ورا جيـل
للصبح : صبر ..
وللمسا: عشق ليلـة
.
.
للرائع / سامي الجار الله