في غيابك قلبي يلبس لـــلــــحــــــــــــــدآد..؟؟

الحروف تناثرت ودي حياتي تجمعه
كل حرف وكل كلمة في عيونك والجبين

خذ شعوري يا شعوري من أمامك ارفعه
ارفعه أقصى نواصي مهجتك يااغلى حنين

والله اني بدونكم لأعتزل في صومعه
ويش بقى لي من حياتي ياحياتي لو تبين

في غيابك قلبي يلبس للحداد وما امنعه
من سواد(ن) في سواد الليل يزفر بالأنين

هاك قلبي والله اني بعد حبك اسمعه
نبض أول في أميرة حب والباقي طنين

ألفضا بيني وبينك , صرت والله أذرعه
مين وكلني بجو الله أذرع يا ضنين

لو خفوقي يوم فكر شي ثاني أردعه
كثرة العذال ما تثنيه لو طالت سنين

كيف من غيرك أبتحمل جروح(ن) موجعه
مين غيرك يحمل آهاتي وينسيني الأنين

مين غيرك لا تناثر لحم قلبي يجمعه
مين غيرك أسمعه يحكي حكايات الحنين

مين غيرك لو أسافر اعتذر واودعه
مين غيرك لو نويت أكتب شعر اكتب لمين

مين غيرك كالقمر في وسط ليلي مطلعه
مين غيرك أسألك بالله قولي لي لمين

مين غيرك لو أودع العمر ما اودعه
مين غيرك أعشقه لو صرت بعد الموت طين

مين غيرك في غيابك ينكتب في مدمعه
مين غيرك سالت دموعي بغيرك الف عين

مين غيرك يفتح بقلبي شروخ وارقعه
مين يرقع جرح قلبي لو تغيبي بالله مين

مين غيرك ينزع الأحزان مني منزعه
مين غيرك ينزع الأشواك من درب الأنين

مين غيرك يفتح أبواب الهوى من أوسعه
مين غيرك يوسع جروحي وينزفني سنين

في غيابك سم ساعة في الخفوق أتجرعه
بس أشوفك واتجرع بلسم مصفى حنين

مين غيرك أبني الأشعار طيفي من سعه
أنطقك أشعار وأصمت شعر , مليون مبن ؟؟

صرت أضيع في غيابك كل عمري مضيعه
لين تحضر , تحضر الدنيا وترجع لي السنين

كم تساقط في غيابك من دموعي أربعه
يا دموعي اسقطي لجل الغلا والله يعين