قصيدة لافي ذباًح الشمري

قصيدة لافي ذباًح الشمري
واحد من احد القبائل يسب قبيله شمر ورد عليه لافي باهذي القصيدة

أدري انّك طيّب الجدّّين و نعوم الحموله

وانت اهلك اللي وطوا متن السما جود و بساله

ان بقا عمك بقا خالك صناديدٍ فحوله

بس ابي حضرة جنابك هو ستر عمّه و خاله ؟

لا تقول أفعل و أخلّي عدّّلي واحد يقوله

ووالله إني لنحني لك ..لا ..ولا فيها جماله

مير يا ذرب اليمين مهايطك ماهو بطوله

البطوله لا شربت الطيب لاحد الثماله

البطوله لا حفظت الوجه عن شينٍٍ يطوله

البطوله لا انتخى عانيك ثم ريّحت باله

امّا انا خلن بعلمك الحكي عرضه و طوله

والله اني من رجال الصيت و رجال الشكاله

الرجال اللي عنوا ثم عوّدوا باللي عنوا له

ما لحقهم راعي الطولات ياكود بخياله

شمري و الشمري ما يلحقه حكيٍ تقوله

لعنبوك الشمري لأغلاك عدّّك من عياله

والله فلا ينوطا دربك و هو ينشاف زوله

وان كرهك الشمري والله ماهي لك سهاله

لو يميل الكون و تميل المراجل و الرجوله

والله ان الشمري ما مال منه الاّ عقاله

وصح لسان الشاعر

لافي ذباًح الشمري

تقبلووووو تحياتي